بانی پی ٹی آئی عمران خان سے ملاقات ضروری ہے، حالات میں بہتری آسکتی ہے، بیرسٹر گوہر
پی ٹی آئی کا مشن نور کا معاملہ
راولپڈی (ڈیلی پاکستان آن لائن) چیئرمین پی ٹی آئی بیرسٹرگوہر نے وضاحت دیتے ہوئے کہا کہ مشن نور کا شوشہ پتہ نہیں کس نے چھوڑا ہے ہمیں نہیں معلوم، اس کا پارٹی سطح پر اعلان نہیں کیا گیا تھا۔
یہ بھی پڑھیں: چچا کے ہاتھوں مبینہ طور پر 2 ننھے بھتیجے قتل
اڈیالہ جیل میں میڈیا سے گفتگو
اڈیالہ جیل کے باہر میڈیا سے گفتگو میں انہوں نے کہا آج توشہ خانہ ٹوکیس کی سماعت تھی مگر ملاقات کی اجازت نہیں دی گئی، وجہ نہیں بتائی گئی، امید ہے کل بانی سے ملاقات ہو جائے گی، ملاقات ہونی ضروری ہے، حالات میں بہتری آسکتی ہے۔
پارٹی بانی کی ہدایات پر چلتی ہے سوشل میڈیا پر نہیں، سوشل میڈیا ایسا فورم ہے جس پر کسی کا بھی کنٹرول نہیں، ہمارا ریاست مخالف ایجنڈا نہیں، ہم آئین کی بالادستی اور جمہوریت کی بات کر رہے ہیں۔
یہ بھی پڑھیں: میر خلیل الرحمان کا انتقال ہوا تو ایک رپورٹر وفاداری ثابت کرنے کیلئے قبر میں لیٹ گیا تھا: وسعت اللہ خان
جی ایچ کیو حملہ کیس
انہوں نے کہا جی ایچ کیو حملہ کیس میں بانی ملزم ہیں، ان کی خواہش کا احترام ہونا چاہیے، فیئر ٹرائل کا مقصد ملزم کو صفائی کا ہر طرح موقع فراہم کرنا ہے۔ پاکستان سعودی عرب کا دفاعی معاہدہ بہت اچھی بات ہے، ہمیشہ سعودی عرب کی حمایت کی، پارٹی مؤقف ہے کہ امت مسلمہ کو مضبوط کرنے کی حمایت کریں گے۔
سوشل میڈیا پر تبصرہ
حیرت ہے بیرسٹر گوہر کو بھی پتا نہیں مشن نور کا شوشہ کس نے چھوڑا۔۔
کہتے ہیں پارٹی کا اس سے کوئی تعلق نہیں۔۔— Waseem Abbasi (@Wabbasi007) September 22, 2025
