سی ٹی ڈی نے 3 ماہ کے دوران 940 انٹیلی جنس بیسڈ آپریشنز کے ذریعے 89 دہشت گردوں کو گرفتار کرلیا

دہشت گردی کے خدشات

لاہور (ڈیلی پاکستان آن لائن) دہشت گردی کے خدشات کے پیش نظر سی ٹی ڈی کے پنجاب کے مختلف شہروں میں 3 ماہ میں 940 انٹیلی جنس بیسڈ آپریشنز، 89 دہشت گرد گرفتار کر لئے گئے۔

یہ بھی پڑھیں: وزیر اعلیٰ مریم نواز کا بیجنگ میں مصروفیت سے بھرپور دن، دورے، اہم ملاقاتیں، ظہرانہ، تعلقات کے فروغ کیلئے جڑواں شہروں اور صوبوں کی تجویز، چینی سرمایہ کاری کیلئے بھرپور تعاون کی پیشکش

گرفتار دہشت گردوں کی تفصیلات

ترجمان کے دوران کارروائی کے دوران لاہور سے 14، راولپنڈی سے 14، فیصل آباد سے 7، بہاولپور سے 7، جھنگ سے 6، ساہیوال سے 5، گوجرانوالہ سے 4، گجرات سے 3، سرگودھا سے 6، اور بہاول نگر سے 3 دہشت گردوں کو گرفتار کیا گیا۔ گرفتار دہشت گردوں میں فتنہ الخوارج کے 55، داعش کے 5، القاعدہ کے 2، حزب التحریر کے 2، اور جیے سندھ کے 2 شامل ہیں۔

یہ بھی پڑھیں: اگر امریکہ اور اسرائیل نے ایران میں رجیم چینج کی کوشش کی تو اسرائیل کے جوہری مرکز دیمونا کو براہ راست نشانہ بنایا جائے گا، ایرانی فوجی عہدیدار

برآمد شدہ مواد

دہشت گردوں سے دھماکا خیز مواد، ڈیٹونیٹر 85، حفاظتی فیوز تار 183 فٹ، پمفلٹ 717، پرائمہ کارڈ، موبائل فون، اور نقدی برآمد کی گئی۔ دہشت گردوں کی شناخت اسحاق، شعیب، حمزہ، جاوید اقبال، اسحاق خان، زاہد، سہیل، اسد، طاہر، منیر وغیرہ کے نام سے ہوئی۔

یہ بھی پڑھیں: ہمایوں سعید فلرٹ نہیں کرتے، ان کی چھیڑ چھاڑ صرف دوستانہ ماحول میں ہوتی ہیں، مہوش حیات

عوام میں خوف و ہراس

سی ٹی ڈی حکام کا کہنا ہے کہ دہشت گرد مختلف مقامات پر کارروائی کر کے عوام میں خوف و ہراس پھیلانا چاہتے تھے۔ 3 ماہ میں 13521 کومبنگ آپریشنز کے دوران 1131 مشتبہ افراد گرفتار کیے گئے، کومبنگ آپریشنز میں 552692 افراد سے پوچھ گچھ کی گئی۔

محفوظ پنجاب کا ہدف

سی ٹی ڈی محفوظ پنجاب کے ہدف پر عمل پیرا ہے، ترجمان

سی ٹی ڈی دہشت گردی کے ناسور کو جڑ سے اکھاڑ پھینکنے کے لیے پرعزم ہیں، ترجمان سی ٹی ڈی