چیئرمین پی سی بی محسن نقوی کا مسلسل 2 سنچریاں سکور کرنے پر سدرہ امین کے لیے 20 لاکھ روپے انعام کا اعلان

محسن نقوی کی قذافی سٹیڈیم آمد

لاہور (ڈیلی پاکستان آن لائن) چیئرمین پاکستان کرکٹ بورڈ محسن نقوی نے قذافی سٹیڈیم کا دورہ کیا، جہاں انہوں نے ون ڈے سیریز جیتنے پر جنوبی افریقہ کی کپتان کو ٹرافی پیش کی۔

یہ بھی پڑھیں: فیڈرل ٹیکس محتسب کی مشاورتی کمیٹی کا اجلاس، ڈاکٹر آصف محمود جاہ کی شاندار خدمات پر خراج تحسین

پاکستان ویمنز کرکٹ ٹیم کے کھلاڑیوں سے ملاقات

چیئرمین پی سی بی محسن نقوی نے پاکستان ویمنز کرکٹ ٹیم کے کھلاڑیوں اور کوچز سے ملاقات کی اور خواتین کھلاڑیوں کی شاندار کارکردگی کی تعریف کی۔ سدرہ امین کو مسلسل 2 سنچریاں اسکور کرنے پر 20 لاکھ روپے انعام دینے کا اعلان بھی کیا۔ محسن نقوی نے یہ بھی بتایا کہ تمام خواتین کھلاڑیوں کو 10 لاکھ روپے فی کس انعام دیا جائے گا۔

آئی سی سی ویمنز کرکٹ ورلڈ کپ کے لیے نیک خواہشات

چیئرمین پی سی بی محسن نقوی نے آئی سی سی ویمنز کرکٹ ورلڈ کپ کے حوالے سے ٹیم کے لیے نیک خواہشات کا اظہار کیا۔ انہوں نے کہا کہ "بغیر کسی دباؤ کے بے خوف ہو کر کھیلیں، آخری بال تک فائٹ کریں، کامیابی ہمیشہ ٹیم ورک کا نتیجہ ہوتی ہے۔"