معروف ٹیچر مبین شاہ نے پنجاب یونیورسٹی میں لیکچر کے دوران پیش آنیوالا ناخوشگوار واقعہ شیئر کردیا، جمعیت سے اساتذہ کو ہراساں نہ کرنے کا مطالبہ

تعلیمی ماحول میں ناخوشگوار واقعہ

لاہور (ویب ڈیسک) معروف ٹیچر مبین شاہ جو فیس بک پر "انگش ود مبین" کے نام سے پیج چلا رہے ہیں، نے پنجاب یونیورسٹی میں لیکچر کے دوران پیش آنے والا ناخوشگوار واقعہ شیئر کردیا۔ انہوں نے جمعیت سے اساتذہ کو ہراساں نہ کرنے کا مطالبہ کیا۔

یہ بھی پڑھیں: پاکستان کی آسیہ اندرابی، فہمیدہ صوفی اور ناہیدہ نسرین کی سزاؤں کی شدید مذمت

لیکچر کے دوران مداخلت

اپنے پیج پر تفصیلات شیئر کرتے ہوئے مبین شاہ نے بتایاکہ "میرا لیکچر عروج پر تھا کہ دروازے سے ایک شخص بغیر اجازت اندر آگیا اور کہنے لگا ایک اعلان کرنا ہے۔ میں نے کہا کہ لیکچر ختم ہوگا پھر آجائیے گا۔ میرے لیکچر کا ٹیمپو ٹوٹ جاتا ہے تو یہ سنتے ہی اس شخص نے بحث شروع کر دی اور مجھے ہی کہنے لگا کہ آپ نے اتنا وقت بحث میں ضائع کر دیا۔"

یہ بھی پڑھیں: اسرائیل پر ایران کا سائبر حملہ جاری

یونیورسٹی کا ماحول

انہوں نے کہا کہ "مجھے ایک لمحے کے لیے لگا کہ میں پاکستان کی نمبر 1 یونیورسٹی میں نہیں بلکہ محلے کے کسی ٹیوشن سینٹر میں پڑھا رہا ہوں جہاں کوئی بھی ساجھا ماجھا اٹھ کر اعلان کرنے آجائے گا۔"

یہ بھی پڑھیں: بارش برسانے والا سسٹم آج ملک میں داخل ہوگا، لاہور میں کتنے امکانات؟

اساتذہ کی محنت اور تعلیم

مبین شاہ نے مزید لکھا کہ "یونیورسٹی ڈیپارٹمنٹس انتہائی محنت سے قابل اساتذہ ڈھونڈتے ہیں۔ پڑھانا میرا شوق ہے اور انٹرنیٹ پر بھی 1000 سے زیادہ وڈیوز ریکارڈ کر چکا ہوں۔ مجھ پر مختلف ڈیپارٹمنٹس میں لیکچر لینے والے تقریباً 400 طلباء کا بوجھ ہے۔"

یہ بھی پڑھیں: دلہن والوں نے دولہا اور اس کے والد کو یرغمال بنا لیا, لیکن کیوں؟ حیران کن انکشاف

جمعیت کا رویہ

انہوں نے ماضی کی ایک کہانی شیئر کرتے ہوئے لکھاکہ "پچھلے سمسٹر میں کسی کارکن نے ایک طالب علم کے نمبر بڑھانے کی سفارش کی، جسے میں نے نظرانداز کر دیا۔ مگر حالیہ واقعے نے مجھے یہ تحریر لکھنے پر مجبور کیا۔"

یہ بھی پڑھیں: احمد علی بٹ کو حمیرا اصغر کا انٹرویو دوبارہ اپ لوڈ کرنے پر تنقید کا سامنا

پیشکش کا اثر

انہوں نے کہا کہ "اس واقعے کا میرے طلباء پر بھی گہرا نفسیاتی اثر ہوا ہے۔ کیا یہ گمان کیا جا سکتا ہے کہ اس سارے واقعے کو دیکھنے والے کسی طالب علم پر یہ اثر ہو کہ وہ بھی کسی بھی کلاس میں گھس کر استاد کو کہے کہ 'لیکچر بند کر، اسی اعلان کرنا اے'؟"