حسان نیازی کی ملٹری کسٹڈی میں تحویل اور کورٹ مارشل کی کارروائی کیخلاف درخواست پر اعتراضات سے متعلق فیصلہ محفوظ

لاہور ہائیکورٹ میں درخواست کی سماعت

لاہور(ڈیلی پاکستان آن لائن) بانی پی ٹی آئی عمران خان کے بھانجے حسان نیازی کی ملٹری کسٹڈی میں تحویل اور کورٹ مارشل کی کارروائی کیخلاف درخواست پر لاہور ہائیکورٹ نے اعتراضات سے متعلق فیصلہ محفوظ کر لیا۔

یہ بھی پڑھیں: شاہد آفریدی کی شرٹ “وائز مارکٹ” پر بولی لگا کر آپ بھی گھر بیٹھے خرید سکتے ہیں

عدالت کے سامنے دلائل

لاہور ہائیکورٹ کے جسٹس سید شہباز رضوی کی سربراہی میں دو رکنی بنچ نے سماعت کی۔ پنجاب حکومت کے وکیل راؤ اورنگزیب نے درخواست کی مخالفت کرتے ہوئے کہا کہ رجسٹرار آفس کی جانب سے لگائے گئے اعتراضات درست ہیں، درخواست گزار نے مصدقہ نقول کیلئے کوئی درخواست نہیں دی، آرمی ادارے کیخلاف درخواست قابل سماعت نہیں ہے۔

یہ بھی پڑھیں: حضور پاکؐ کی تعلیمات پر عمل پیرا ہونے میں ہی ہر کامیابی پنہاں ہے: وزیر اعلیٰ پنجاب

حسان نیازی کے وکیل کا موقف

وکیل حسان نیازی فیصل صدیقی کا کہنا ہے کہ حسان نیازی کی کسٹڈی ملٹری کو ایس ایچ او کی جانب سے دی گئی ہے، باقی لوگ جو ملٹری کے حوالے کئے گئے وہ اے ٹی سی کورٹ کے آرڈر کے تحت ہوئے، رجسٹرار آفس کے اعتراضات درست نہیں، عدالت اعتراضات ختم کرے۔

یہ بھی پڑھیں: چوہے 200 کلو چرس کھا گئے، منشیات سمگلنگ کے مقدمے کا ملزم رہا کر دیا گیا

فیصلہ محفوظ

بعدازاں لاہور ہائیکورٹ نے اعتراضات ختم کرنے یا نہ کرنے سے متعلق فیصلہ محفوظ کر لیا۔

چیلنج کی تفصیلات

واضح رہے کہ بانی پی ٹی آئی عمران خان کے بھانجے حسان نیازی نے ملٹری تحویل میں لینے کے نوٹیفکیشن اور کورٹ مارشل کارروائی کو چیلنج کر رکھا ہے۔