بھارت کی طرف سے سکھ یاتریوں کو پاکستان نہ آنے دینا تکلیف دہ ہے، صوبائی وزیر رمیش سنگھ اروڑہ

عشائیہ کا اہتمام سکھ یاتریوں کے اعزاز میں

لاہور (ڈیلی پاکستان آن لائن) صوبائی وزیر اقلیتی امور رمیش سنگھ اروڑہ کی جانب سے سکھ یاتریوں کے اعزاز میں ایک عشائیہ منعقد کیا گیا۔ اس تقریب میں برطانیہ سے آئی ہوئی 75 سکھ یاتریوں اور ممبرز پی ایس جی پی سی نے شرکت کی۔ اعزازی قونصل جنرل سری لنکا، ازبکستان اور پرتگال نے بھی خصوصی طور پر شرکت کی۔

یہ بھی پڑھیں: کراچی میں بھابھی کو زیادتی کے بعد قتل کرنے والا دیور گرفتار، مقتولہ کے بھائی کی مدعیت میں مقدمہ درج

سکھ یاتریوں کی خدمت ہمارا فرض ہے

اس موقع پر رمیش سنگھ اروڑہ نے کہا کہ پاکستان کی سرزمین سکھ برادری کے لیے مقدس ہے۔ سکھ یاتری ہمارے بھائی ہیں، ان کی خدمت کرنا ہمارا فرض ہے۔ حکومت اور عوام نے ہمیشہ مذہبی ہم آہنگی کو فروغ دیا ہے۔ پاکستان تمام مذاہب کے ساتھ بھائی چارے کے تعلقات کو مضبوط بناتا رہے گا۔ وزیرِاعظم اور وزیرِاعلیٰ پنجاب کی قیادت میں اقلیتوں کے حقوق کے تحفظ کے اقدامات جاری ہیں۔

پاکستان کی عوام سکھ یاتریوں کا بے صبری سے انتظار کرتی ہے

رمیش سنگھ اروڑہ نے مزید کہا کہ حکومت پاکستان مذہبی آزادی کے فروغ کے لیے پرعزم ہے۔ بھارت کی طرف سے سکھ یاتریوں کو پاکستان نہ آنے دینا تکلیف دہ ہے۔ پاکستانی عوام سکھ یاتریوں کا بے صبری سے انتظار کرتی ہے، اور انہیں واپسی پر پیار و محبت کے ساتھ رخصت کیا جاتا ہے۔