سعودی عرب کے قومی دن پر جدہ میں پاکستانی صحافیوں کی تقریب، کیک کاٹا گیا

جدہ میں پاکستانی صحافیوں کی تقریب

جدہ (بیورو رپورٹ) سعودی عرب کے 95ویں قومی دن کے موقع پر جدہ میں مقیم پاکستانی صحافیوں نے ایک پروقار تقریب کا انعقاد کیا، جس میں سعودی عوام سے اظہارِ یکجہتی کرتے ہوئے کیک کاٹا گیا اور "پاک سعودی دوستی زندہ باد" کے نعرے لگائے گئے۔

یہ بھی پڑھیں: بھارتی ایئر لائن کے جہاز میں مسافر نے پرواز میں گھبرا جانے والے مسافر کو تھپڑ مار دیا، ویڈیو وائرل

تقریب کا اہتمام

تقریب کا اہتمام پاک میڈیا جرنلسٹس فورم اور پاکستان جرنلسٹ فورم کے زیرِ انتظام کیا گیا، جس میں سینئر صحافیوں اور عہدیداران نے بھرپور شرکت کی۔ شرکاء میں چوہدری نورالحسن گجر، اکرم اسد، جمیل راٹھور، خالد نواز چیمہ، حافظ عرفان کھٹانہ، حسن بٹ، چوہدری معروف حسین، ثاقب احسان مفل، عائشہ ناز، مریم شاہد اور دیگر نمایاں صحافی شامل تھے۔

یہ بھی پڑھیں: اس حکومت کا ہر دن ملک پر بھاری ہے، شاہد خاقان عباسی کا بیان

تقریب کے اہم نکات

اس موقع پر مقررین نے کہا کہ پاکستان اور سعودی عرب کی دوستی ہمالیہ سے بلند اور سمندروں سے زیادہ گہری ہے۔ انہوں نے حالیہ دفاعی معاہدے کو دونوں برادر ملکوں کے تعلقات کی مضبوطی کا ثبوت قرار دیا اور سعودی عوام کو یومِ قومی کی مبارکباد پیش کی۔

یہ بھی پڑھیں: فلمی ڈائیلاگ مارنے اور ہوا میں تیر چلانے سے تحریکیں نہیں چلتیں: عظمیٰ بخاری

شکریہ اور دعائیں

صحافیوں نے شاہ سلمان بن عبدالعزیز اور ولی عہد شہزادہ محمد بن سلمان کا خصوصی شکریہ ادا کرتے ہوئے کہا کہ ان کی قیادت میں سعودی عرب ہزاروں پاکستانیوں کو باعزت روزگار فراہم کر رہا ہے۔

دعائیں اور اختتام

تقریب کے اختتام پر پاکستان اور سعودی عرب کی سلامتی، ترقی اور استحکام کے لیے خصوصی دعائیں کی گئیں۔