پب جی گیم سے متاثر ہوکر گھر والوں کو قتل کرنے والے ملزم کو 100 سال قید کا حکم

لاہور: پب جی گیم سے متاثر ہوکر قتل

لاہور(ڈیلی پاکستان آن لائن) لاہور میں پب جی گیم سے متاثر ہوکر گھر والوں کو قتل کرنے والے ملزم کو سیشن کورٹ لاہور نے 100 سال قید کا حکم دے دیا۔

یہ بھی پڑھیں: شرح سود میں کمی کا امکان، فیصلہ 31 جولائی کو ہوگا

عدالتی فیصلہ

نجی ٹی وی سما نیوز کے مطابق لاہور کی مقامی عدالت نے 2022 میں والدہ، بھائی اور دو بہنوں کو قتل کرنے والے ملزم کو جرم ثابت ہونے پر 100 سال قید اور 40 لاکھ روپے جرمانے کی سزا سنادی۔ ایڈیشنل سیشن جج ریاض احمد نے قتل کیس کا فیصلہ سنایا۔

یہ بھی پڑھیں: شمالی علاقہ جات جانے والے گجرات کے 4 لاپتہ دوستوں کی گاڑی گلگت سے مل گئی لیکن گاڑی کے مسافروں کا کیا بنا؟ تفصیلات منظرعام پر

ملزم کی سزا کی تفصیلات

عدالت نے قرار دیا کہ ملزم علی زین نے 2022 میں والدہ، بہن اور بھائیوں کو قتل کیا۔ عمر کی وجہ سے ملزم کو 4 بار عمر قید کی سزا دی جارہی ہے۔

پولیس کارروائی

تھانہ کاہنہ پولیس نے 2022 میں مقدمہ درج کیا تھا، پراسیکیوٹر نے گواہان کو پیش کیا۔ عدالت کو بتایا گیا کہ ملزم نے رات کے 2 بجے گیم سے متاثر ہوکر گھر والوں پر فائرنگ کردی تھی۔