نیشنل ایکشن پلان کے تحت راولپنڈی پولیس کی کامیاب حکمتِ عملی، مختلف مقدمات میں 94 مجرمان کو قرار واقعی سزائیں

راولپنڈی میں پولیس کی کامیاب حکمتِ عملی

راولپنڈی(ڈیلی پاکستان آن لائن) نیشنل ایکشن پلان کے تحت جرائم کے خاتمے اور امن و امان کو یقینی بنانے کے لیے پولیس کی کامیاب حکمتِ عملی کے نتیجے میں 3 ماہ کے دوران عدالتوں نے قتل، زیادتی اور منشیات کے مقدمات میں 94 مجرمان کو قرار واقعی سزائیں سنائیں، جبکہ 198 ملزمان کو باعزت بری کردیا۔

یہ بھی پڑھیں: سالانہ کوئز مقابلہ ’’برین آف لاہور 2025‘‘ کا انعقاد ، 500 سے زائد تعلیمی اداروں کے طلباء کی شرکت

مقدمات اور سزائیں

پولیس ترجمان کے مطابق قتل کے 13 مقدمات میں 24 مجرمان کو سزائیں سنائی گئیں، جن میں 12 کو سزائے موت، 5 کو عمر قید، ایک کو 13 سال قید اور 6 کو ضمان کی سزائیں شامل ہیں۔ زیادتی کے 5 مقدمات میں 7 مجرمان کو سزائیں ہوئیں، جن میں 6 کو عمر قید اور ایک کو 10 سال قید کی سزا سنائی گئی۔ اسی طرح منشیات کے 63 مقدمات میں 63 مجرمان کو قید اور بھاری جرمانے کی سزائیں سنائی گئیں جن میں بعض کو 15 اور 14 سال قید کے ساتھ لاکھوں روپے جرمانے بھی کیے گئے۔

یہ بھی پڑھیں: پی آئی اے کا طیارہ الفجیرہ ایئرپورٹ پر میزائل حملے سے بال بال بچ گیا

بے گناہ قرار دیے گئے ملزمان

رپورٹ کے مطابق قتل، ڈکیتی، چوری، زیادتی اور منشیات کیسوں میں مجموعی طور پر 198 ملزمان کو بے گناہ قرار دے کر بری کیا گیا۔ تھانہ نیو ٹاؤن کے موٹر سائیکل چوری کے 12 مقدمات میں ملزمان کو ڈسچارج بھی کر دیا گیا۔

پولیس کا عزم

پولیس ترجمان نے کہا کہ نیشنل ایکشن پلان کے تحت جرائم پیشہ عناصر کے خلاف بلاامتیاز کارروائیاں جاری ہیں اور راولپنڈی شہر میں امن کو نقصان پہنچانے والوں کو کیفرِ کردار تک پہنچانا پولیس کا اولین مقصد ہے۔