دل کی بیماریوں سے بچاؤ اور صحت مند دل کے لئے شعور اور آگاہی اجاگر کرنے کی ضرورت ہے، وفاقی وزیر صحت مصطفیٰ کمال

دل کی بیماریوں سے بچاؤ

اسلام آباد (سٹاف رپورٹر) وفاقی وزیر صحت سید مصطفیٰ کمال کا کہنا ہے کہ دل کی بیماریوں سے بچاؤ اور صحت مند دل کے لئے شعور اور آگاہی اجاگر کرنے کی بہت ضرورت ہے۔

یہ بھی پڑھیں: کسی شخص کو استثنیٰ دینا آئین اور اسلامی تعلیمات کے منافی ہے: حافظ نعیم الرحمان

آگاہی تقریب کا انعقاد

ان خیالات کا اظہار انہوں نے عالمی یوم دل کے حوالے سے معروف انٹرنیشنل ہسپتال میں آگاہی تقریب کے دوران گفتگو کرتے ہوئے کیا۔ وفاقی وزیر نے کہا کہ صحت کی دیکھ بھال فراہم کرنے والوں، کارپوریٹ شراکت دار، بین الاقوامی اتحادی اور شہری مل کر دل کی بیماریوں سے لڑ سکتے ہیں اور ایک ایسا مستقبل بنا سکتے ہیں جہاں ہر دل مضبوط اور صحت مند ہو۔

تقریب کی اہمیت

تقریب میں صحت کے ماہرین، میڈیا پروفیشنلز، سفارتکاروں، پالیسی سازوں اور طلباء کو اکٹھا کیا گیا تاکہ پاکستان میں امراض قلب کے بڑھتے ہوئے بوجھ اور احتیاطی دیکھ بھال اور آگاہی کی فوری ضرورت کو اجاگر کیا جا سکے۔