ایشیا کپ، ابھیشیک کی آج بی دھماکے دار پرفارمنس، بھارت نے بنگلہ دیش کو شکست دے دی

بھارت کی شاندار فتح

دبئی(ڈیلی پاکستان آن لائن) ایشیا کپ کے سپر فور مرحلے کے 16ویں میچ میں بھارت نے شاندار کارکردگی دکھاتے ہوئے بنگلادیش کو 41 رنز سے شکست دے دی۔

یہ بھی پڑھیں: وینا ملک کی انسٹاگرام بائیو تبدیل، خود کو شہریار کی بندی قرار دیدیا

بھارت کی بیٹنگ کی کارکردگی

بھارت نے پہلے بیٹنگ کرتے ہوئے مقررہ 20 اوورز میں 168 رنز بنائے۔ ابھشیک شرما نے دھواں دار اننگز کھیلتے ہوئے صرف 37 گیندوں پر 75 رنز بنائے جن میں 6 چوکے اور 5 چھکے شامل تھے۔ شبھمن گل نے 29 اور ہاردک پانڈیا نے 38 رنز کی نمایاں اننگز کھیلی۔ بنگلادیش کی جانب سے رشاد حسین نے 2 جبکہ مستفیض الرحمان، تنزیم حسن اور محمد سیف الدین نے ایک ایک وکٹ حاصل کی۔

یہ بھی پڑھیں: ستاروں کی روشنی میں آپ کا آج (بدھ) کا دن کیسا رہے گا؟

بنگلادیش کی بیٹنگ کی ناکامی

ہدف کے تعاقب میں بنگلادیش کی ٹیم 19.3 اوورز میں 127 رنز پر ڈھیر ہوگئی۔ سیف حسن نے 69 رنز کی شاندار اننگز کھیلی مگر کوئی اور بلے باز ان کا ساتھ نہ دے سکا۔ پرویز حسین ایمان نے 21 رنز بنائے جبکہ باقی کھلاڑی دوہرے ہندسے میں داخل نہ ہو سکے۔

بھارت کی بولنگ کی کامیابی

بھارت کی جانب سے کلدیپ یادو نے 3، جسپریت بمراہ اور ورون نے 2،2 وکٹیں حاصل کیں۔ بھارت نے یہ میچ با آسانی جیت کر سپر فور مرحلے میں اپنی پوزیشن مزید مستحکم کر لی۔