پنجاب میں سیلاب سے ہونے والے نقصانات کے سروے کے لیے پاک فوج تعینات کرنے کی منظوری

وفاقی حکومت کی پاک فوج تعیناتی

اسلام آباد (ڈیلی پاکستان آن لائن) وفاقی حکومت نے پنجاب میں سیلاب سے ہونے والے نقصانات کے سروے کے لیے پاک فوج تعینات کرنے کی منظوری دے دی ہے۔ سیلاب سروے کے لیے پنجاب حکومت نے وفاقی حکومت سے فوج کی خدمات مانگی تھیں۔

یہ بھی پڑھیں: جو بچے جھنڈیاں لگاتے تھے آج وہ ہی نسل ویزا اور پاسپورٹ کی لائنوں میں لگی ہوئی ہے، اداکار نعمان اعجاز

سرکاری احکامات کی تکمیل

جیو نیوز کے مطابق وفاقی حکومت نے فوج کی تعیناتی کے باضابطہ احکامات پنجاب حکومت کو بھجوا دیے ہیں۔ فوج کی تعیناتی پنجاب کے 27 اضلاع میں سیلاب نقصانات کے سروے کے لیے کی گئی ہے۔

یہ بھی پڑھیں: چھٹی کے وقت ورکشاپ سے نکلنے کے بعد ٹریفک کا نظام درہم برہم

مشترکہ سروے ٹیم کا حصہ

پنجاب میں فوج کی تعیناتی سیلاب کے نقصانات کے تخمینے کے لیے ایک مشترکہ سروے ٹیم کا حصہ ہے۔ وفاقی حکومت نے آئین کے آرٹیکل 245 کے تحت سیلاب سروے کے لیے فوج کی تعیناتی کی ہے۔

نقصانات کا تعین

حالیہ سیلاب میں بڑی تعداد میں انسانی جانوں اور املاک کو شدید نقصان ہوا، جس کے باعث ایک جامع سروے ناگزیر قرار دیا گیا ہے۔ اس سروے میں جان و مال، فصلوں، مویشیوں، اور انفرا اسٹرکچر کو پہنچنے والے نقصانات کا تعین کیا جائے گا。