ای سی سی نے استعمال شدہ کمرشل گاڑیوں کی درآمد کی اجازت دے دی

اسلام آباد میں اقتصادی رابطہ کمیٹی کا اجلاس

اسلام آباد (ویب ڈیسک) وفاقی کابینہ کی اقتصادی رابطہ کمیٹی (ای سی سی) نے استعمال شدہ گاڑیوں کی کمرشل درآمد کی اجازت دے دی۔

یہ بھی پڑھیں: ٹرکٹر چور رنگے ہاتھوں پکڑا گیا، ساری رات تشدد، قتل کردیا گیا

اجلاس کی تفصیلات

ای سی سی اعلامیہ کے مطابق وزیرخزانہ محمد اورنگزیب کی زیرصدارت اقتصادی رابطہ کمیٹی کا ورچوئلی اجلاس ہوا جس میں استعمال شدہ گاڑیوں کی کمرشل درآمد کی اجازت کے حوالے سے مختلف امور پر تبادلہ خیال کیا گیا۔

وزارت خزانہ کے اعلامیے میں بتایا گیا ہے کہ 5 سال سے کم پرانی گاڑیاں 30 جون 2026 تک درآمد کی جا سکیں گی، تاہم بعد ازاں گاڑیوں کی عمر کی حد ختم کر دی جائے گی۔

یہ بھی پڑھیں: فیصل آباد میں 3 سالہ بچے کا کامیاب آپریشن، گلے میں پھنسا تالا نکال لیا گیا

کمرشل درآمد پر ریگولیٹری ڈیوٹی

ای سی سی اعلامیہ میں بتایا گیا کہ اجلاس کے شرکا کا کہنا تھا کہ کمرشل درآمد شدہ گاڑیاں ماحولیاتی اور حفاظتی معیار پر پورا اتریں گی۔ 5 سال سے کم پرانی گاڑیوں پر 40 فیصد ریگولیٹری ڈیوٹی عائد ہوگی۔ اسی طرح ریگولیٹری ڈیوٹی 2026 سے ہر سال 10 فیصد کم کی جائے گی اور مالی سال 30-2029 تک درآمدی ڈیوٹی بتدریج ختم کر دی جائے گی۔