خاتون سے زیادتی کے مقدمے میں عمر قید کی سزا پانے والا ملزم بری

لاہور ہائیکورٹ کا فیصلہ

لاہور (ڈیلی پاکستان آن لائن) لاہور ہائیکورٹ نے خاتون سے زیادتی کے مقدمے میں عمر قید کی سزا پانے والے ملزم کو بری کردیا۔

یہ بھی پڑھیں: فیلڈ مارشل عاصم منیر نے ملک و قوم کے لیے قابلِ قدر خدمات انجام دیں: وزیر اعلیٰ مریم نواز

فیصلے کی تفصیلات

نجی ٹی وی سما نیوز کے مطابق جسٹس عبہر گل نے ملزم امان اللہ کی اپیل کو منظور کرلیا، جسٹس عبہر گل نے امریکی سینئرقانون دانوں کے محاوروں کو بھی حوالہ دیا۔ ٹرائل کورٹ نے ملزم امان اللہ کو عمر قید اور تین لاکھ روپے جرمانے کی سزا سنائی تھی۔

یہ بھی پڑھیں: لندن میں وزیر دفاع خواجہ آصف کو گالیاں اور دھمکیاں دینے کی ویڈیو منظر عام پر آگئی

مقدمے کی پس منظر

تھانہ جلال پورجٹاں گجرات پولیس نے 2016 میں مقدمہ درج کیا تھا۔ عدالت نے فیصلے میں تحریر کیا ہے کہ مدعی کے وکیل کے مطابق ملزم نے مدعیہ کے ساتھ تعلقات بنائے، پراسیکیوشن کے مطابق ملزم اکتوبر 2016 میں مدعیہ کے گھر داخل ہوا اور اسلحے کی بنیاد پر زیادتی کا نشانہ بنایا۔

عدالتی کارروائی اور گواہی

گجرات کی ٹرائل کورٹ نے ملزم کو 2018 میں عمر قید کی سزا سنائی۔ متاثرہ خاتون نے مقدمہ گیارہ روز کی تاخیر سے درج کروایا، اور ڈاکٹر کے مطابق متاثرہ خاتون کے جسم پر کوئی تشدد کا نشان نہیں ملا۔ متاثرہ خاتون نے جرح کے دوران خود تسلیم کیا کہ تصاویر میں نظر آنے والا شخص واضح طور پر نہیں پہچانا جا سکتا۔ عدالت ملزم کو بری کرنے کا حکم دیتی ہے۔