اسلام آباد ہائیکورٹ کے احاطہ میں ویڈیو ریکارڈنگ پر پابندی، سرکلر جاری

اسلام آباد ہائیکورٹ میں ویڈیو ریکارڈنگ پر پابندی

اسلام آباد(ڈیلی پاکستان آن لائن) اسلام آباد ہائیکورٹ کے احاطہ میں ویڈیو ریکارڈنگ پر پابندی کا سرکلر جاری کردیا گیا ہے۔

یہ بھی پڑھیں: 12 ویں منزل سے نیچے گرنے والی خاتون کرشماتی طور پر زندہ بچ گئی

پابندیاں عائد کی گئیں

نجی ٹی وی سما نیوز کے مطابق جاری سرکلر کے مطابق صحافی، وکلا اور سائلین اسلام آباد ہائیکورٹ کے احاطہ میں کسی قسم کی ویڈیو ریکارڈنگ نہیں کرسکیں گے۔ اس کے علاوہ کمرہ عدالت، راہداری، ویٹنگ ایریا اور دفاتر میں ویڈیو ریکارڈنگ نہیں کی جائے گی۔

موبائل فون کے استعمال کی شرائط

سرکلر کے مطابق موبائل فون عدالت کے اندر صرف سائلنٹ موڈ پر استعمال ہوسکیں گے۔ لائیو سٹریمنگ اور کیمرے کے استعمال پر بھی مکمل پابندی ہوگی۔ سیکیورٹی اہلکار ریکارڈنگ کرنے والوں کے خلاف کارروائی کے مجاز ہوں گے۔