اس حکومت میں پہلی بار پرنٹ میڈیا کے مسائل کو سنجیدگی سے حل کیا گیا: اے پی این ایس

وزیر اطلاعات و ثقافت پنجاب کا اعلامیہ

لاہور (ڈیلی پاکستان آن لائن) وزیر اطلاعات و ثقافت پنجاب عظمیٰ بخاری نے کہا ہے کہ میڈیا انڈسٹری کے مسائل کا حل وزیراعلیٰ پنجاب مریم نواز کی پہلی ترجیح ہے۔ پنجاب حکومت صحافیوں کے لیے ہر سطح پر مثبت اقدامات کر رہی ہے۔ پرنٹ میڈیا کا صحافت میں آج بھی نمایاں کردار ہے اور الیکٹرانک میڈیا و ڈیجیٹل ٹیکنالوجی کے دور میں بھی اس کی اہمیت کم نہیں ہوئی۔

یہ بھی پڑھیں: وفاقی حکومت کی کینال منصوبہ ختم کرنےکی پیشکش لیکن پیپلزپارٹی نے کیا جواب دیا؟ تہلکہ خیز دعویٰ

اے پی این ایس وفد کی مریم نواز سے ملاقات

اس موقع پر اے پی این ایس کے وفد نے وزیراعلیٰ پنجاب مریم نواز کا شکریہ ادا کرتے ہوئے کہا کہ اس دورِ حکومت میں پہلی بار پرنٹ میڈیا انڈسٹری کے مسائل کو سنجیدگی سے لیا گیا ہے اور ان کا فوری حل فراہم کیا جارہا ہے۔

یہ بھی پڑھیں: پاکستانی ڈرونز نے کیسے بھارت کو حیرت میں ڈالا، پاکستان کے پاس کون کون سے ڈرون ہیں؟ بھارتی فضائیہ کے سابق پائلٹ نے فہرست جاری کردی۔

وزیر اطلاعات عظمیٰ بخاری کا شکریہ

وفد نے وزیر اطلاعات عظمیٰ بخاری کا بھی شکریہ ادا کیا اور کہا کہ ان کے تعاون اور سپورٹ سے پرنٹ میڈیا انڈسٹری کو اعتماد ملا ہے۔ ملاقات میں سیکرٹری اطلاعات پنجاب سید طاہر رضا ہمدانی، سینئر صحافی مجیب الرحمان شامی، بلال محمود، نور اللہ شریک، جمیل اطہر، محسن سیال، عمران اطہر، منیر جیلانی اور ہماہوں گلزار بھی موجود تھے۔

وزیر اطلاعات کو شیلڈ پیش کی گئی

ملاقات کے اختتام پر اے پی این ایس کی جانب سے وزیر اطلاعات پنجاب عظمیٰ بخاری کو پرنٹ میڈیا کے فروغ اور مسائل کے حل کے حوالے سے پنجاب حکومت کی کاوشوں پر شیلڈ پیش کی گئی۔