آن لائن جوئے کی تشہیر، سوشل میڈیا انفلوئنسرز اقرا کنول عرف سسٹرولوجی، ندیم مبارک عرف نانی والا اور محمد حسنین شاہ کے خلاف 3 مقدمات درج

نیشنل سائبر کرائم انویسٹی گیشن ایجنسی کا کارروائی

لاہور (ڈیلی پاکستان آن لائن) نیشنل سائبر کرائم انویسٹی گیشن ایجنسی نے جوئے کی آن لائن تشہیر کرنے والے یوٹیوبرز کے خلاف متحرک ہو کر کارروائی کی ہے۔

یہ بھی پڑھیں: سیلفی کا جنون، 2 نوجوان ڈیم میں ڈوب کر اور ایک چلتی ٹرین سے گرکر جاں بحق

مقدمات کی تفصیلات

مشہور سوشل میڈیا انفلوئنسرز اقرا کنول عرف سسٹرولوجی، ندیم مبارک عرف نانی والا، اور محمد حسنین شاہ کے خلاف 3 مقدمات درج کر لیے گئے ہیں۔

یہ بھی پڑھیں: ملیر جیل سے فرار مزید قیدی گرفتار ، دیگر کی تلاش جاری

تحقیقات کا عمل

تحقیقاتی ایجنسی نے متعلقہ افراد کو مؤقف جاننے کے لیے 3 مرتبہ طلب کیا، تاہم انہوں نے جان بوجھ کر تفتیش میں شامل ہونے سے گریز کیا۔

الزامات کی نوعیت

تینوں افراد پر الزام ہے کہ وہ غیر قانونی آن لائن ٹریڈنگ ایپلیکیشنز کی تشہیر میں ملوث رہے ہیں۔ مقدمہ متن کے مطابق، یہ افراد پاکستانی عوام کو منافع کے لالچ میں ڈال کر ان ایپس میں سرمایہ کاری کے لیے اکساتے اور گمراہ کرتے رہے۔