ملک میں عدلیہ آزاد نہیں، عمران خان کے کیسز کے ساتھ جو ہورہا ہے یہ سب پلان کے مطابق ہے، وزیراعلیٰ علی امین گنڈاپور

وزیراعلیٰ کے پی علی امین گنڈاپور کا بیان

اسلام آباد (ڈیلی پاکستان آن لائن) وزیراعلیٰ کے پی علی امین گنڈاپور کا کہنا ہے کہ ملک میں عدلیہ آزاد نہیں ہے، عمران خان کے کیسز کے ساتھ جو ہورہا ہے یہ سب پلان کے مطابق ہے۔

یہ بھی پڑھیں: سابق بھارتی سپنر ہربھجن سنگھ بھی کولکتہ ٹیسٹ کی پچ پر تنقید کیے بغیر نہ رہ سکے

اسلام آباد ہائی کورٹ کے باہر گفتگو

انہوں نے کہا کہ آپ سب کو علم ہے کہ ایک ڈرامہ چل رہا ہے، عمران خان کے ساتھ کیسز کے ساتھ جو کچھ کیا جارہا ہے یہ سب پری پلان منصوبے کے مطابق کیا جا رہا ہے۔ جب تک ایک کیس میں سزا نہیں ہوتی دوسرا کیس بنا دیتے ہیں، ایک کے بعد ایک کیس بنایا جا رہا ہے۔ ملک میں عدلیہ آزاد نہیں ہے اور عدلیہ آزادی سے اپنے فیصلے نہیں کر پا رہی۔

یہ بھی پڑھیں: اب سمجھ آ رہی تھی کہ روزانہ رات کو زار و قطار روتے ہوئے کیوں اسکی یاد رہ رہ کر آ رہی تھی، کیوں اسے خط لکھ کر اپنا دل ہلکا کیا کرتا تھا اور صبح اْٹھ پھاڑ دیتا تھا

عدالتوں سے توقعات

انہوں نے کہا کہ ہمیں امید ہے کہ سپریم کورٹ کا ایک فورم باقی ہے۔ ہماری گزارش ہے کہ 25 کروڑ عوام انصاف کے لیے آپ کی طرف دیکھتے ہیں۔ آپ کو انصاف دینا ہے، آپ کے اوپر کیسز کا دباؤ ہے، آپ اپنی پوزیشن پر بیٹھ کر فیصلے کیوں نہیں کر پارہے؟ آپ کو ایک دن مرنا بھی ہے اور اللہ پاک کو بھی جواب دینا ہے۔ قرآن کی تفسیر پڑھیں اور جواب دیں، آپ کھل کر دلائل کی بنیاد پر فیصلے کریں۔

یہ بھی پڑھیں: عوام کی مشکلات کے حل کے لیے قومی شناختی قوانین میں تبدیلیاں کی گئیں، ترجمان نادرا

انسانی حقوق اور حقیقی آزادی

وزیراعلیٰ کے پی نے کہا کہ کیا پاکستان میں مستقبل میں انسانی حقوق ملیں گے؟ حقیقی آزادی اور انصاف ہوگا؟ آپ انصاف دینے میں ناکام ہورہے ہیں، اس طرح نظام نہیں چل سکتا۔ عمران خان کی ایک برداشت ہے، آپ نے تمام ادارے مفلوج کر دیے ہیں۔

عمران خان کی جنگ

علی امین گنڈاپور نے مزید کہا کہ بانی پی ٹی آئی عمران خان قوم اور ہمارے بچوں کی جنگ لڑ رہا ہے۔ بانی پی ٹی آئی کی خواہش پر جلسہ ہوگا اور بھرپور جلسہ ہوگا۔

سب واضح ہے کہ عمران خان صاحب کے خلاف مقدمات ایک منصوبہ بندی کے تحت بنائے گئے ہیں۔ جج صاحبان سے اپیل ہے کہ کھل کر بتائیں کون دباؤ ڈال رہا ہے، آہ صرف شواہد و دلائل کی روشنی میں انصاف کریں۔ عمران خان حق پر ہیں اور قوم ان کے ساتھ ہے۔
وزیر اعلیٰ خیبرپختونخوا علی امین گنڈاپور pic.twitter.com/Cqtmu6zG0e

— Insaf TV (@InsafPKTV) September 25, 2025