جماعت اسلامی اور اسٹوڈنٹس کوآرڈینیشن کمیٹی کا اسلام آباد میں پرائیویٹ ہاسٹلز کے خلاف کریک ڈاؤن پر یکم اکتوبر کو احتجاج کا اعلان

سخت احتجاج کا اعلان

اسلام آباد(سٹاف رپورٹر) وفاقی دارالحکومت کے رہائشی علاقوں میں پرائیویٹ ہاسٹلز کے خلاف سی ڈی اے انتظامیہ کے آپریشن پر جماعت اسلامی اور اسٹوڈنٹس کوآرڈینیشن کمیٹی کے رہنماؤں نے شدید غم و غصے کا اظہار کیا ہے۔

یہ بھی پڑھیں: پاکستان اور جنوبی افریقا کے درمیان تیسرا ٹی 20 میچ بارش کے باعث منسوخ

قانون کی خلاف ورزی کا الزام

نیشنل پریس کلب اسلام آباد میں پریس کانفرنس کرتے ہوئے جماعت اسلامی اور اسٹوڈنٹس کوآرڈینیشن کمیٹی کے رہنماؤں نے کہا کہ طلبہ کے رہائشی حق کو ایک نوٹس کے ذریعے ختم کرنا غیرقانونی ہے۔ مبینہ رشوت نہ ملنے پر سی ڈی اے کی جانب سے طلبہ ہاسٹلز پر دھاوے بولے جاتے ہیں۔ اس وقت اسلام آباد میں 6 لاکھ 84 ہزار طلبہ ہائر ایجوکیشن میں انرولڈ ہیں 24 لاکھ کی آبادی میں سے 7 لاکھ طلبہ ہیں، 27 یونیورسٹیز اور 35 سے زائد کیمپسز ہیں۔

یہ بھی پڑھیں: انڈے، جوتا اور سیاہی پھینکنے والے آج خود اسی کا شکار ہیں،طلال چودھری

ہاسٹل کی سہولیات کی کمی

صرف چند یونیورسٹیز ہاسٹل کی سہولت دیتی ہیں، باقی طلبہ مجبوراً پرائیویٹ ہاسٹلز پر انحصار کرتے ہیں۔ انہوں نے کہا کہ نسٹ نے رواں سال صرف 82 طلبہ کو ہاسٹل الاٹ کیا، باقی کو باہر رہائش ڈھونڈنے کا کہا گیا۔ ایک لاکھ مقامی طلبہ گھروں میں مقیم ہیں، باقی لاکھوں کو پرائیویٹ ہاسٹلز پر انحصار کرنا پڑتا ہے۔

یہ بھی پڑھیں: آسٹریلیا کے خلاف تاریخی فتح، وسیم اکرم کا پاکستانی قوم کو مبارکباد کا پیغام

طلبہ کی ضرورت کو نظرانداز کرنا

پرائیویٹ ہاسٹلز کو مافیا قرار دینا غلط ہے، یہ طلبہ کی ضرورت پوری کر رہے ہیں۔ ایچ ای سی قوانین کے مطابق یونیورسٹیز کیلئے طلباء کو ہاسٹل فراہم کرنا لازم ہے۔ سی ڈی اے طلبہ ہاسٹلز کو کمرشل سرگرمی قرار دے کر کارروائی کررہی ہے، جبکہ دکانیں اور اسکولز بھی کمرشل سرگرمی ہیں تو ان پر کارروائی کیوں نہیں؟

آئندہ کی حکمت عملی

انہوں نے مزید کہا کہ سی ڈی اے کے خلاف بھرپور مزاحمت کریں گے، یکم اکتوبر کو دن ایک بجے اسلام آباد میں فیصلہ کن احتجاج ہوگا، تاکہ لوگ نیپال کے احتجاج کو بھول جائیں گے۔ طلبا یکم اکتوبر کو کلاسز کا بائیکاٹ کر کے احتجاج میں شریک ہوں گے۔