اخبارات بنیادی ذرائع ابلاغ کے طور پر خدمات انجام دے رہے ہیں، بلاول بھٹو زرداری کا نیشنل نیوز پیپر ریڈرشپ ڈے کے موقع پر پیغام

بلاول بھٹو زرداری کا پیغام

اسلام آباد (ڈیلی پاکستان آن لائن) پاکستان پیپلز پارٹی کے چیئرمین، بلاول بھٹو زرداری نے نیشنل نیوز پیپر ریڈرشپ ڈے کے موقع پر اپنا پیغام جاری کیا ہے۔

یہ بھی پڑھیں: ماں کی دعا سے کوئی حادثہ نہ ہوا، ابن العربی کہتے ہیں ”ہمیں پتہ ہی نہیں ہوتا اور ہمارا اللہ ہمیں کس کس مقام پر گرنے سے پہلے ہی تھام لیتا ہے“

آل پاکستان نیوز پیپرز سوسائٹی کی تقریب

انہوں نے کہا کہ انہیں یہ جان کر بے حد خوشی ہوئی ہے کہ آل پاکستان نیوز پیپرز سوسائٹی (APNS) 25 ستمبر کو نیشنل نیوز پیپر ریڈرشپ ڈے منا رہی ہے۔ اس موقع پر وہ اخباری برادری کے تمام اراکین کو ان کی قیمتی خدمات پر خراجِ تحسین پیش کرتے ہیں۔

یہ بھی پڑھیں: پی ٹی آئی وکیل نے سماعت کے دوران انکشاف کیا 9 مئی کیس کا مرکزی گواہ پولیس اہلکار 9 مئی کو چھٹی پر تھا : اسد علی طور کا وی لاگ میں دعویٰ

اخبارات کی اہمیت

بلاول بھٹو زرداری نے کہا کہ اخبارات کئی دہائیوں سے بنیادی اور معتبر ذرائع ابلاغ کے طور پر خدمات انجام دے رہے ہیں اور ریڈیو و ٹیلی ویژن جیسے الیکٹرانک میڈیا کے دور میں بھی اپنی اہمیت برقرار رکھے ہوئے ہیں۔ اخبارات پڑھنے والے ہمیشہ سے معاشرے کے باخبر اور باشعور افراد سمجھے جاتے ہیں۔ اخبار بینی کی عادت نہ صرف شرح خواندگی کو فروغ دیتی ہے بلکہ عوام کو علم و آگہی کے ساتھ عالمی امور سے باخبر رکھنے میں بھی مددگار ثابت ہوتی ہے۔

یہ بھی پڑھیں: پاکستانی ویژول ایفیکٹ آرٹسٹ لاریب عطا کی ایک اور بڑی کامیابی ہالی ووڈ فلم “مشن ایمپاسیبل دی فائنل ریکنگ” میں بطور ویژول ایفیکٹ آرٹسٹ خدمات پیش

اخبارات کا کردار

انہوں نے مزید کہا کہ اخبارات کھیل، تفریح، سیاست اور تاریخ سمیت مختلف موضوعات پر جامع رپورٹنگ اور ماہرین کی رائے پیش کرتے ہیں، جو انہیں مستند معلومات اور ذمہ دار تجزیے کا معتبر ذریعہ بناتا ہے۔ آج کے ڈیجیٹل دور میں، جہاں غلط اور جھوٹی خبریں تیزی سے پھیلتی ہیں، وہاں اخبارات کی ساکھ اور جواب دہی انہیں بدستور ایک قابلِ اعتماد معلومات کا ذریعہ بنائے ہوئے ہیں۔

صحافیوں کی خدمات کا اعتراف

چیئرمین پیپلز پارٹی نے ایک بار پھر مدیران، صحافیوں، عملے اور اخباری صنعت سے وابستہ تمام افراد کو قوم کے لیے ان کی گراں قدر خدمات پر سراہا۔