سیلاب سے متاثرہ علاقوں میں بجلی بحالی کی صورتحال ہے ؟ جانیے

لیسکو کی کوششیں

لاہور (ڈیلی پاکستان آن لائن) لیسکو نے سیلاب سے متاثرہ علاقوں میں بجلی کی فراہمی کی بحالی کے لیے دن رات جاری کوششوں میں نمایاں پیش رفت کی ہے۔

یہ بھی پڑھیں: جب یہ سمجھیں کہ آپ دوسروں کی مرضی اور خواہش کے مطابق مؤقف اختیار کر رہے ہیں تو فوراً اس روئیے کی اصلاح کریں اور نیا و مختلف رویہ اپنائیں

متاثرہ فیڈرز کی بحالی کی صورتحال

26 ستمبر 2025 تک متاثرہ فیڈرز کی بحالی کی تفصیلات کے مطابق لاہور میں 17 فیڈرز متاثر ہوئے تھے جو تمام کے تمام مکمل بحال کر دیے گئے۔ اوکاڑہ میں 15 متاثرہ فیڈرز تھے جو مکمل بحال ہو چکے ہیں۔ شیخوپورہ میں 10 متاثرہ فیڈرز تھے جو کہ مکمل بحال ہو چکے ہیں۔ قصور میں 16 متاثرہ فیڈرز میں سے 15 مکمل بحال ہو چکے ہیں جبکہ 1 فیڈر جزوی بحال ہے۔ ننکانہ صاحب میں 9 متاثرہ فیڈرز تھے جو مکمل بحال ہو چکے ہیں۔

یہ بھی پڑھیں: 12 سالہ لڑکے نے خواہش پوری نہ ہونے پر زندگی کا خاتمہ کرلیا

قصور کے متاثرہ فیڈر کی صورتحال

اس وقت صرف قصور کا 1 فیڈر جزوی طور پر بحال ہے جس سے 441 صارفین متاثر ہیں۔ اس فیڈر کی جلد از جلد مکمل بحالی کے لیے سپرنٹنڈنگ انجینئر (ایس ای) آپریشن سرکل اور کنسٹرکشن فارمیشن کی خصوصی ٹیمیں موقع پر تعینات ہیں۔

لیسکو کی انتظامیہ کا عزم

لیسکو انتظامیہ نے اس عزم کا اعادہ کیا ہے کہ متاثرہ صارفین کو جلد از جلد بجلی کی فراہمی یقینی بنانے کے لیے تمام تر وسائل بروئے کار لائے جا رہے ہیں۔