ایشیاء کپ، بھارت نے سری لنکا کو جیت کے لیے بڑا ہدف دے دیا

بھارت کی شاندار اننگز

دبئی (ڈیلی پاکستان آن لائن) دبئی انٹرنیشنل کرکٹ اسٹیڈیم میں ایشیا کپ کے سپر فور مرحلے کے 18ویں میچ میں بھارت نے پہلے بیٹنگ کرتے ہوئے 20 اوورز میں 202 رنز بنا کر سری لنکا کو مشکل ہدف دے دیا۔ ابیشیک شرما نے دھواں دھار بلے بازی کرتے ہوئے صرف 31 گیندوں پر 61 رنز بنائے، جس میں 8 چوکے اور 2 چھکے شامل تھے۔

یہ بھی پڑھیں: شام میں اقتدار کی پر امن منتقلی چاہتے ہیں،امریکا

کھلاڑیوں کی شاندار کارکردگی

تلک ورما 49 رنز کے ساتھ ناٹ آؤٹ رہے جبکہ سنجو سیمسن نے بھی 23 گیندوں پر 39 رنز کی جارحانہ اننگز کھیلی۔ بھارت کی اننگز میں 5 وکٹیں گریں، جن میں سری لنکا کے لیے تھیکشانا، ہسارنگا، چمیرا، شانا کا اور اسالانکا نے ایک ایک شکار کیا۔

سری لنکا کا ہدف

سری لنکا نے ٹاس جیت کر فیلڈنگ کا فیصلہ کیا تھا، لیکن بھارتی بلے بازوں نے شاندار پاور ہٹنگ سے 200 کا ہندسہ عبور کیا۔ اب سری لنکا کو جیت کے لیے 203 رنز درکار ہیں。