اسپیکر قومی اسمبلی کا وزیراعظم شہباز شریف کے اقوام متحدہ سے خطاب پر اظہارِ خیال

وزیراعظم کی اقوام متحدہ میں تقریر

اسلام آباد (ڈیلی پاکستان آن لائن) سپیکر قومی اسمبلی سردار ایاز صادق نے کہا ہے کہ وزیراعظم پاکستان میاں محمد شہباز شریف نے اقوام متحدہ کی جنرل اسمبلی میں امت مسلمہ کے جذبات کی بھرپور ترجمانی کی ہے۔

یہ بھی پڑھیں: فیلڈ مارشل عاصم منیر کو ٹرمپ کی دعوت پر بھارتی میڈیا کی چیخیں نکلنے لگیں

قرآنی آیات سے آغاز

انہوں نے کہا کہ وزیراعظم نے اپنے خطاب کا آغاز قرآنی آیات کی تلاوت سے کیا اور دنیا کو امن، بھائی چارے اور بقائے باہمی کا پیغام دیا۔ ایاز صادق نے وزیراعظم کے خطاب کو ایک مدبر اور بہادر عالمی رہنما کا خطاب قرار دیا۔

یہ بھی پڑھیں: کوئٹہ ٹرین سٹیشن دھماکے میں ہلاک ہونے والے ایاز مسیح، جو کبھی بابر اعظم جیسا کرکٹر بننے کا خواب دیکھا کرتے تھے۔

فلسطین اور اسرائیلی جارحیت

ان کا کہنا تھا کہ قائدِ ایوان نے فلسطین پر اسرائیلی جارحیت کی بھرپور مذمت کی اور مظالم کو جرات مندی کے ساتھ بے نقاب کیا۔ وزیراعظم نے قطر پر اسرائیلی حملے کے خلاف بھی آواز بلند کی اور عالمی برادری سے فوری اور مؤثر اقدامات کا مطالبہ کیا۔

یہ بھی پڑھیں: جوڈیشل ورک سے روکنے کا معاملہ، جسٹس طارق جہانگیری نے 26 ستمبر تک اپیل فکس کرنے کی درخواست کردی۔

بھارت کے پروپیگنڈے کا مقابلہ

ایاز صادق کے مطابق وزیراعظم نے بھارت کے جھوٹے پروپیگنڈے کو عالمی سطح پر بے نقاب کیا، پہلگام واقعے کی حقیقت دنیا کو بتائی اور 7 مئی کو بھارتی حملے کے نتیجے میں معصوم بچوں کی شہادت کا ذکر کیا۔ انہوں نے مزید کہا کہ وزیراعظم نے مقبوضہ کشمیر میں انسانی حقوق کی خلاف ورزیوں اور پاکستان پر بھارتی جارحیت کے جواب میں آپریشن بنیان المرصوص کی کامیابی سے بھی دنیا کو آگاہ کیا۔

یہ بھی پڑھیں: بانی پی ٹی آئی 9 مئی کی کس بات پر معافی مانگیں؟ علیمہ خان

پاکستان کی مسلح افواج کی صلاحیت

اسپیکر قومی اسمبلی نے کہا کہ وزیراعظم نے اپنی مسلح افواج کی پیشہ وارانہ صلاحیتوں کو اجاگر کیا اور واضح کیا کہ پاکستان ایک خودمختار ریاست ہے جو ہر قسم کی دہشتگردی اور جارحیت کی مذمت کرتا ہے۔ شہباز شریف نے عالمی برادری کو یاد دلایا کہ پاکستان نے دہشتگردی کے خلاف جنگ میں 90 ہزار سے زائد جانوں کی قربانی دی اور بھاری معاشی نقصانات برداشت کیے۔

یہ بھی پڑھیں: سٹیل ملز سکریپ کردی جائے گی، بحالی کے چانسز کم ہیں: معاون خصوصی ہارون اختر

دہشتگردی کا خاتمہ اور معیشت کی بہتری

ایاز صادق نے کہا کہ وزیراعظم نے افغان سرزمین سے ہونے والی دہشتگردی کی نشاندہی کی اور دہشتگردی کے خاتمے کے غیر متزلزل عزم کا اعادہ کیا۔ ساتھ ہی ملکی معیشت کی بہتری اور ترقی کے اہداف کے لیے لائحہ عمل بھی پیش کیا۔

موسمیاتی تبدیلی کے اثرات

انہوں نے کہا کہ وزیراعظم نے موسمیاتی تبدیلی کے نتیجے میں پاکستان میں آنے والے تباہ کن سیلابوں کی طرف بھی عالمی توجہ مبذول کرائی اور دنیا کو بتایا کہ امن و ترقی کا حصول تنازعات کے حل کے بغیر ممکن نہیں۔