قومی ویمنز ٹیم کے ہیڈکوچ اور کھلاڑیوں کی گرین شرٹس کیلئے نیک خواہشات

نیک تمناؤں کا اظہار

لاہور(ڈیلی پاکستان آن لائن) پاکستان ویمنز کرکٹ ٹیم کے ہیڈ کوچ اور کھلاڑیوں نے ایشیا کپ کے فائنل میں شرکت کرنے والی مردوں کی قومی کرکٹ ٹیم کیلئے نیک تمناؤں کا اظہار کیا ہے۔

یہ بھی پڑھیں: بھارت: کیمیکل فیکٹری میں دھماکہ، 10 افراد ہلاک، درجنوں زخمی، امدادی کاروائیاں جاری

ہیڈ کوچ کا پیغام

نجی ٹی وی چینل دنیا نیوز کے مطابق ہیڈ کوچ محمد وسیم نے کہا کہ پاکستان اور انڈیا کا بڑا فائنل ہے، ہماری دعائیں اور مکمل سپورٹ قومی ٹیم کے ساتھ ہیں، انشاءاللہ پاکستان میچ جیتے گا اور ملک کا نام روشن کرے گا۔

یہ بھی پڑھیں: بنگلادیش نے 1971 کے بعد پہلی بار پاکستانی حکام کے لیے ویزا کی شرط ختم کردی

ویمن کرکٹرز کی خواہشات

ویمن کرکٹر سدرہ امین کا کہنا تھا کہ پاکستان ٹیم کیلئے بہت بڑا دن ہے، ہماری طرف سے مکمل سپورٹ اور نیک خواہشات ٹیم کے ساتھ ہیں، بڑے دل سے کھیلیں، اللہ تعالیٰ بھی ان کا ساتھ دیتا ہے جو بہادری سے کھیلتے ہیں، ہماری خواہش ہے کہ ایشیا کپ آپ جیت کر آئیں ’’گڈ لک‘‘۔

یہ بھی پڑھیں: مراد سعید وزیراعلیٰ ہاؤس پشاور میں روپوش ہیں، چھاپہ مارنا اچھا نہیں لگتا ، عطا تارڑ کا دعویٰ

مزید نیک خواہشات

کرکٹر عالیہ ریاض نے کہا کہ سب کی دعائیں مینز ٹیم کے ساتھ ہیں، ’’بیسٹ آف لک‘‘، جم کر کھیلیں اور ملک کا نام روشن کریں۔

اومیمہ سہیل کا کہنا تھا کہ پاکستان مینز ٹیم کو ایشیا کپ فائنل کیلئے نیک خواہشات، سب کی دعائیں پاکستان ٹیم کے ساتھ ہیں، انشاءاللہ پاکستان میچ جیتے گا۔

کرکٹر نتالیہ پرویز نے کہا کہ پاکستان ٹیم کو ’’گڈ وشز‘‘ اور امید ہے کہ آپ اچھا کھیلیں گے اور ایشیا کپ جیتیں گے۔

یہ بھی پڑھیں: لاہور میں ڈاکو دکان میں گھس گئے، دکاندار نے بھاگ کر شٹر نیچے کردیا، ڈاکو دکان میں بند، واردات کی سی سی ٹی وی فوٹیج سامنے آگئی

آخری حوصلہ افزائی

کرکٹر شوال ذوالفقار نے کہا کہ پاکستان اور بھارت کا فائنل ہونے جا رہا ہے میں پاکستان ٹیم کو ’’گڈ لک‘‘ کہتی ہوں، امید کرتے ہیں کہ پاکستان ٹیم اچھا کھیلے گی اور ایشیا کپ جیت کر وطن واپس آئے گی۔

قوم کی دعاوں کا ساتھ

سیدہ عروب شاہ کا کہنا تھا کہ پاکستان ٹیم کو ’’بیسٹ وشز‘‘ اور امید ہے کہ آپ ایشیا کپ کا فائنل جیت کر آئیں گے اور پوری قوم کی دعائیں آپ کے ساتھ ہیں۔