سیلاب متاثرین کے لیے چین کی جانب سے امدادی سامان کے 2 طیارے پاکستان پہنچ گئے

چین کی جانب سے پاکستانی سیلاب متاثرین کے لیے امداد

اسلام آباد(ڈیلی پاکستان آن لائن) سیلاب متاثرین کے لیے چین کی جانب سے امدادی سامان کے 2 طیارے پاکستان پہنچ گئے۔

امدادی پروازوں کا استقبال

نجی ٹی وی ’’سماء نیوز‘‘ کے مطابق ترجمان این ڈی ایم اے کے مطابق وفاقی وزیر امیر مقام اور چیئرمین این ڈی ایم اے نے نورخان ایئربیس پر امدادی پروازوں کا استقبال کیا۔ چین کی جانب سے بھیجے گئے امدادی سامان میں 300 خیمے اور 9 ہزار کمبل شامل ہیں۔

وزیر کی جانب سے چین کا شکریہ

وفاقی وزیر امیر مقام کا کہنا ہے کہ چین کی بروقت امداد پاک، چین لازوال دوستی کی عکاس ہے۔ حکومتی ادارے اور این ڈی ایم اے متاثرین کو ریلیف فراہم کرنے کے لیے سرگرم عمل ہیں۔ چین نے کبھی بھی مشکل وقت میں پاکستان کو اکیلا نہیں چھوڑا۔