آج بھارت کرکٹ کا “رام رام ستے” ہو گا، فردوس عاشق اعوان

فردوس عاشق اعوان کی دعا

لاہور(ڈیلی پاکستان آن لائن)سابق وفاقی وزیراطلاعات فردوس عاشق اعوان نے کہا ہے کہ میں دعاگو ہوں کہ آج پاکستان بھارت سے میچ جیتے گا۔

یہ بھی پڑھیں: کسان کارڈ سے 100 ارب روپے کے قرضے جاری، زراعت کی سمت یکسر تبدیل، گندم کی بہترین پیداوار متوقع

بھارت کی ہٹ دھرمی کا مقابلہ

انہوں نے مزید کہا کہ آج بھارت کی ہٹ دھرمی، تکبر اور غرور کے بت کو پاش پاش کرنے کا بہترین موقع ہے۔ ان کا کہنا تھا کہ ہم نے آپریشن سندور میں بھارت کو جس طرح سبق سکھایا تھا، انشا اللہ آج بھی ویسے ہی پاکستانی کھلاڑی بھارتی کھلاڑیوں کو کرکٹ کھیلنا سکھائیں گے۔

یہ بھی پڑھیں: پاکستان سیریز میں آسٹریلیا کی عدم دلچسپی اور رضوان کے باؤلرز کو تاریخ بدلنے کا ایک اور موقع

کرکٹ میں سیاست

فردوس عاشق اعوان نے کہا کہ بھارت جس طرح کرکٹ میں سیاست کو لے کر آیا، میں حارث رؤف سے مطالبہ کرتی ہوں کہ آج آپ نے ان کو بتانا ہے کہ ایشیاء کپ اور لگان فلم میں فرق ہے۔

یہ بھی پڑھیں: ویسے تو ساری پی ٹی آئی آسیب زدہ ہے لیکن خیبرپختونخوا کے نِکے وزیراعلیٰ کی تقریروں سے لگتا ہے وہ پہلے سے زیادہ آسیب زدہ ہوچکے ہیں، اختیار ولی خان

حوصلہ اور بہادری

انہوں نے خاص طور پر سلمان آغا کو مخاطب کرتے ہوئے کہا کہ آج آپ کو جرات کے ساتھ سینہ تان کر بہادری کے ساتھ لڑنا ہے کیونکہ یہ کرکٹ کا میچ نہیں بلکہ اعصاب کی جنگ ہوگی۔ آج بھارتی کرکٹ کا رام رام ستے کر کے پاکستان کو فتح دلائیں۔

جرمانے کی فکر نہ کریں

ان کا مزید کہنا تھا کہ حارث، جرمانے سے گھبرانا نہیں ہے۔ جو میچ فیس کا 30 فیصد جرمانہ آپ کو ہوا ہے، وہ میں ادا کروں گی۔