گردوں کی غیرقانونی پیوندکاری میں ملوث گینگ کا کارندہ مردان سے گرفتار

پشاور میں غیرقانونی گردوں کی پیوندکاری

پشاور (ڈیلی پاکستان آن لائن) ایف آئی اے اینٹی کرپشن سرکل نے تازہ کارروائی کرتے ہوئے گردوں کی غیرقانونی پیوندکاری میں ملوث گینگ کے ایک کارندے کو مردان سے گرفتار کر لیا۔

یہ بھی پڑھیں: محسن نقوی کا بڑا اعلان، پاکستانی کرکٹ کے نوجوان ہیروز کو فی کس 50 لاکھ روپے انعام

کارروائی کی تفصیلات

نجی ٹی وی سما نیوز کے مطابق ایف آئی اے کا کہنا ہے کہ ملزم کے خلاف یہ کارروائی متاثرہ شہری کی شکایت پر عمل میں لائی گئی۔ ملزم غیرقانونی پیوندکاری کیلئے مختلف پرائیویٹ ہسپتالوں کا سہارا لیتا تھا۔

تحقیقات اور مزید گرفتاریوں کا امکان

ابتدائی تفتیش کے مطابق، اس مکروہ دھندے میں متعدد افراد اور سہولت کاروں کا بھی ملوث ہونا سامنے آیا ہے۔ ملزم سے تفتیش کے بعد دیگر ملزمان اور سہولت کاروں کی گرفتاری کا عمل بھی جاری رہے گا۔