پی ٹی آئی کی رکن قومی اسمبلی زرتاج گل کی گرفتاری کا دعویٰ
زرتاج گل کی گرفتاری کا دعویٰ
ڈی جی خان(ڈیلی پاکستان آن لائن) پاکستان تحریک انصاف کی رکن قومی اسمبلی زرتاج گل کو گرفتار کئے جانے کا دعویٰ سامنے آیا ہے۔
یہ بھی پڑھیں: خیبر پختونخوا پولیس کے بہادر جوانوں نے اپنا آج قوم کے پرامن کل پر قربان کیا: محسن نقوی
گرفتاری کی تفصیلات
زرتاج گل کے وکیل فدا حسین کی جانب سے کہا گیا ہے کہ زرتاج گل کو گزشتہ شام ان کی رہائش گاہ سے گرفتار کیا گیا، زرتاج گل کو تھری ایم پی او کے تحت سینٹرل جیل ڈی جی خان منتقل کر دیا گیا ہے۔
یہ بھی پڑھیں: اداکارہ صحیفہ جبار نے بیرون ملک پاکستانیوں کو منافق قرار دے دیا
حکام کی خاموشی
تاہم ضلعی انتظامیہ اور پولیس کی جانب سے زرتاج گل کی گرفتاری کی تردید یا تصدیق نہیں کی گئی ہے۔
علی امین گنڈا پور کا معاملہ
مشیر کے پی حکومت بیرسٹر سیف نے دعویٰ کیا تھا کہ رینجرز علی امین گنڈا پور کو کے پی ہاوس اسلام آباد سے گرفتار کر کے ساتھ لے گئی ہے جبکہ علی امین گنڈا پور کے بھائی نے بھی ایک بیان میں کہا تھا کہ علی گنڈا پور سے ہفتے کی صبح سے کوئی رابطہ نہیں ہو پا رہا۔
