آفن باخ جرمنی میں یورپی پنجابی ادبی اکیڈمی کے پہلے بین الاقوامی پروگرام کا انعقاد

پنجابی ادبی تنظیم "پنجند" کا پروگرام

دبئی (طاہر منیر طاہر) جرمنی کے شہر آفن باخ میں پنجابی ادبی تنظیم "پنجند" کے زیر اہتمام "یورپی پنجابی ادبی اکیڈمی" کے پہلے بین الاقوامی پروگرام کا انعقاد کیا گیا۔ یہ تقریب دونوں پنجابوں (مشرقی اور مغربی) کے درمیان ادبی ہم آہنگی اور ثقافتی روابط کا بھرپور عکاس تھی۔

یہ بھی پڑھیں: وزیراعلیٰ خیبرپختونخوا نے گورنر سے جامعات کی چانسلرشپ کا اختیار واپس لے لیا

تقریب کا آغاز

تقریب کا آغاز ساڑھے بارہ بجے "پنجند" جرمنی کے صدر امجد عارفی نے کیا۔ افتتاحی کلمات کے بعد، اٹلی سے تشریف لائے پروفیسر جسپال سنگھ نے "یورپی پنجابی ادبی اکیڈمی" کے تعارف اور اس کے منشور کو حاضرین کے سامنے پیش کیا۔

یہ بھی پڑھیں: وزارت خارجہ کا میرے بیان سے کوئی تعلق نہیں، میرا مؤقف بالکل ٹھیک ہے، چناب میں روز خود پانی کی سطح چیک کر رہا ہوں: خواجہ آصف

پہلا سیشن: کہانی دربار

پروگرام کے پہلے حصے "کہانی دربار" کی نظامت یورپی پنجابی ادبی اکیڈمی کے جنرل سیکرٹری دلجندر سنگھ (اٹلی) نے کی، جبکہ اس کی صدارت انڈیا سے آئے معروف کہانی کار اور تنقید نگار پروفیسر ڈاکٹر بلدیو سنگھ ڈھالیوال نے کی۔ اس سیشن میں یورپی پنجابی ادبی اکیڈمی کے صدر بلوندر سنگھ چاہل (انگلینڈ)، ہما فلک (مغربی پنجاب)، گُرپریت کور گائیڈو (یونان) اور پون پرواسی (جرمنی) نے اپنی تخلیقی کہانیاں سنائیں۔ ڈاکٹر بلدیو سنگھ ڈھالیوال نے نہ صرف پیش کردہ کہانیوں پر تفصیلی روشنی ڈالی بلکہ کہانی نگاری کے فن، اس کے اتار چڑھاؤ، اور اس کے اجزاء پر نئے لکھاریوں کو قیمتی مشورے بھی دیے۔

یہ بھی پڑھیں: 2 ہزار روپے کے بجٹ میں لنڈا بازار سے شاپنگ، اتنے میں کیا کچھ خرید سکتے ہیں؟ آپ بھی دیکھیے

بین الاقوامی مشاعرہ

پروگرام کا سب سے پرکشش حصہ بین الاقوامی مشاعرہ تھا، جس کی صدارت ڈنمارک سے تشریف لائے بین الاقوامی شہرت یافتہ شاعر ظفر اعوان نے کی۔ اس حصے کی نظامت امجد عارفی نے نہایت خوبصورتی سے کی۔ مشاعرے میں یورپ کے مختلف ممالک سے تعلق رکھنے والے درجنوں پنجابی شاعروں نے اپنا کلام پیش کیا۔ ظفر اعوان (ڈنمارک)، امجد عارفی، شمس طور، پون پرواسی، کلدیپ ملتانی، عبدالحمید راما، صائمہ کنول، نجمہ باری، عشرت مٹو، فوزیہ مغل، فرزانہ ناہید، طارق خیام، چوہدری کرم الہی، ظفر اللہ محمود، شفیق مراد، راشد ملک رامش، فہمیدہ مسرت، دلجندر سنگھ راحل (اٹلی)، گُرپریت گائیڈو (یونان)، بشارت احمد بشارت، جیت سرجیت کور (بیلجیئم)، نیلو ہنس، بشارت سکھی، جسپال سنگھ (اٹلی)، بلوندر سنگھ چاہل (انگلینڈ)، اسحاق ساجد، راجہ محمد یوسف، ارشاد ہاشمی سمیت تمام شاعروں نے اپنے کلام سے سامعین کو محظوظ کیا اور خوب داد وصول کی۔ یہ دونوں پنجابوں کے درمیان محبت اور یکجہتی کا زندہ ثبوت تھا۔

یہ بھی پڑھیں: پاکستان میں بجلی کی خریدوفروخت کے لیے نیا نظام لاگو کر دیا گیا

کتابوں کی رسم رونمائی

پروگرام کے تیسرے حصے میں گُرمکھی میں چھپی نئی کتابوں کی رسمِ رونمائی ادا کی گئی۔ جن میں ڈنمارک کے شاعر ظفر اعوان کی شاعری کی کتاب "دھی جو ہوئی" اور امجد عارفی کی کتاب "چُپ دیاں رمزاں" سمیت کئی اور کتابیں شامل تھیں۔ پروگرام کو مزید یادگار بنانے کے لیے "پنجند جرمنی" اور "یورپی پنجابی ادبی اکیڈمی" کی طرف سے تمام لکھاریوں کو یادگاری شیلڈز پیش کی گئیں۔ اس کے علاوہ، میزبان امجد عارفی اور ان کی اہلیہ کو یورپی پنجابی ادبی اکیڈمی کی طرف سے اعزازی چادریں بھی پیش کی گئیں۔

یہ بھی پڑھیں: ٹرمپ اور کملا ہیرس کی مسلمان ووٹرز کی حمایت کیلئے بھاگ دوڑ

اختتام اور دعوت طعام

یہ پروگرام تقریباً دس گھنٹے تک جاری رہا اور یورپ کی تاریخ میں دونوں پنجابوں کے سامعین اور ادیبوں کا اس طرح کا پہلا باوقار اور طویل اجتماع تھا۔ انگلینڈ سے تشریف لائیں یورپی پنجابی ادبی اکیڈمی کی وائس پریذیڈنٹ روپ دوِندر کور نے اختتامی کلمات میں مہمانوں کا نہایت شائستہ اور دلکش انداز میں شکریہ ادا کیا۔ تقریب کے اختتام پر تمام شرکاء و حاضرین کے لیے دعوتِ طعام کا اہتمام کیا گیا۔

پنجابی ادب کا فروغ

اس پروگرام نے یورپ میں پنجابی زبان و ادب کے فروغ اور دونوں جانب کے ادبا کے مابین رابطوں کو مضبوط کرنے میں ایک اہم کردار ادا کیا ہے。