ڈگری منسوخی کا معاملہ، جسٹس طارق محمود جہانگیری کا سندھ ہائیکورٹ سے رجوع

کراچی میں ڈگری منسوخی کا معاملہ

کراچی (ڈیلی پاکستان آن لائن) جسٹس طارق محمود جہانگیری نے سندھ ہائیکورٹ سے رجوع کرلیا ہے۔

یہ بھی پڑھیں: پی ٹی آئی میں اختلافات میں دن بدن اضافہ، عمران خان سے ملنے کی دیر ہے سب کچھ ٹھیک ہو جائے گا: شیر افضل مروت

درخواست کی تفصیلات

نجی ٹی وی چینل دنیا نیوز کے مطابق، جسٹس طارق جہانگیری نے جامعہ کراچی سنڈیکیٹ اور ان فیئرمینز کمیٹی کے فیصلے کے خلاف درخواست دائر کی ہے۔ درخواست کے ساتھ جسٹس طارق محمود جہانگیری کا بیان بھی منسلک ہے۔

یہ بھی پڑھیں: پاک بھارت کشیدگی؛ پی ایس ایل ملتوی ہونے کا امکان بڑھ گیا

آئینی بنیاد اور اعتراضات

درخواست آئین کے آرٹیکل 199 ون اے ٹو کے تحت دائر کی گئی ہے۔ درخواست کو ریگولر بنچ کے سامنے پیش کرنے کی استدعا کی گئی ہے۔

ایڈیشنل رجسٹرار رٹ برانچ نے درخواست پر اعتراضات اٹھائے ہیں۔ اعتراضات میں کہا گیا ہے کہ فراہم کردہ معلومات کی بنیاد پر یہ وضاحت کی جائے کہ درخواست کیوں قابل سماعت ہے؟ جامعتہ کراچی کے اندرونی امور سے متعلق درخواست کس طرح قابل سماعت ہے؟ نیز، ان فیئرمینز کمیٹی کا فیصلہ 2024 کا ہے، تو تاخیر کے بعد درخواست کو کیسے قابل سماعت سمجھا جائے؟

موقف اور جواب

جسٹس طارق محمود جہانگیری نے کہا ہے کہ تمام اعتراضات کا جواب سماعت کے دوران فراہم کیا جائے گا اور عدالت کو مطمئن کرنے کی کوشش کی جائے گی۔

درخواست میں مزید کہا گیا ہے کہ درخواست گزار کی ایل ایل بی کی ڈگری منسوخ کردی گئی ہے، جبکہ سنڈیکیٹ اور کمیٹی کے فیصلے غیرقانونی اور دائرہ اختیار سے تجاوز کرتے ہیں۔