ڈگری منسوخی کا معاملہ، جسٹس طارق محمود جہانگیری کا سندھ ہائیکورٹ سے رجوع

کراچی میں ڈگری منسوخی کا معاملہ

کراچی (ڈیلی پاکستان آن لائن) جسٹس طارق محمود جہانگیری نے سندھ ہائیکورٹ سے رجوع کرلیا ہے۔

یہ بھی پڑھیں: دریائے گلگت کے بہاؤ میں اضافے کا خدشہ، تمام ہوٹلز بند، تعلیمی ادارے کل بند رہیں گے

درخواست کی تفصیلات

نجی ٹی وی چینل دنیا نیوز کے مطابق، جسٹس طارق جہانگیری نے جامعہ کراچی سنڈیکیٹ اور ان فیئرمینز کمیٹی کے فیصلے کے خلاف درخواست دائر کی ہے۔ درخواست کے ساتھ جسٹس طارق محمود جہانگیری کا بیان بھی منسلک ہے۔

یہ بھی پڑھیں: پاکستان میں خوشحالی کے نئے دور کا آغاز

آئینی بنیاد اور اعتراضات

درخواست آئین کے آرٹیکل 199 ون اے ٹو کے تحت دائر کی گئی ہے۔ درخواست کو ریگولر بنچ کے سامنے پیش کرنے کی استدعا کی گئی ہے۔

ایڈیشنل رجسٹرار رٹ برانچ نے درخواست پر اعتراضات اٹھائے ہیں۔ اعتراضات میں کہا گیا ہے کہ فراہم کردہ معلومات کی بنیاد پر یہ وضاحت کی جائے کہ درخواست کیوں قابل سماعت ہے؟ جامعتہ کراچی کے اندرونی امور سے متعلق درخواست کس طرح قابل سماعت ہے؟ نیز، ان فیئرمینز کمیٹی کا فیصلہ 2024 کا ہے، تو تاخیر کے بعد درخواست کو کیسے قابل سماعت سمجھا جائے؟

موقف اور جواب

جسٹس طارق محمود جہانگیری نے کہا ہے کہ تمام اعتراضات کا جواب سماعت کے دوران فراہم کیا جائے گا اور عدالت کو مطمئن کرنے کی کوشش کی جائے گی۔

درخواست میں مزید کہا گیا ہے کہ درخواست گزار کی ایل ایل بی کی ڈگری منسوخ کردی گئی ہے، جبکہ سنڈیکیٹ اور کمیٹی کے فیصلے غیرقانونی اور دائرہ اختیار سے تجاوز کرتے ہیں۔