Women’s T20 World Cup: Pakistan Loses 7 Wickets for 71 Runs Against India

میچ کی تفصیلات

دبئی(ڈیلی پاکستان آن لائن) آئی سی سی ویمنز ٹی 20 ورلڈ کپ کے اہم میچ میں بھارت کے مقابلے میں پاکستان کی 71 رنز پر 7 وکٹیں گر گئیں۔

یہ بھی پڑھیں: پاکستان سمیت 75 ممالک کے ویزے معطل، ٹرمپ انتظامیہ کا فیصلہ امریکی عدالت میں چیلنج

ٹاس اور بیٹنگ کا فیصلہ

تفصیلات کے مطابق آئی سی سی ویمنز ٹی 20 ورلڈ کپ کے 7ویں میچ میں، پاکستان نے ٹاس جیت کر بھارت کے خلاف بیٹنگ کا فیصلہ کیا ہے۔ دبئی میں کھیلے جارہے میچ میں پاکستان کی قیادت فاطمہ ثنا کررہی ہیں جبکہ بھارتی ٹیم کی قیادت ہرمن پریت کور کر رہی ہیں۔

یہ بھی پڑھیں: قبضہ مافیا کا باب ہمیشہ کیلئے بند، نجی اراضی پر قبضے کا فیصلہ 90 دن میں ہوگا، ڈِسپیوٹ ریزولیشن کمیٹیاں قائم کرنے کا فیصلہ

پاکستان کی وکٹوں کا حال

پاکستان کا ٹاس جیت کر پہلے کھیلنے کا فیصلہ سود مند ثابت نہیں ہوا۔ پاکستان کو پہلا نقصان اس وقت ہوا جب گل فیروزہ ایک رن پر آؤٹ ہوگئیں۔ پاکستان کی دوسری وکٹ 25 کے مجموعی سکور پر گری، جب سدرہ امین 8 رنز بنا کر آؤٹ ہوئیں۔ پاکستان کی تیسری وکٹ 33 رنز پر گری، اور چوتھی وکٹ 41 رنز پر منیبہ علی کے آؤٹ ہونے سے گری، جنہوں نے 14 رنز بنائے۔ پانچویں وکٹ 52 کے مجموعی سکور پر گری، جب عالیہ ریاض 12ویں اوور میں 4 رنز بنا کر آؤٹ ہوئیں۔ آخر میں، فاطمہ ثنا 13 رنز اور طوبہ حسن صفر رن پر آؤٹ ہوئیں۔

یہ بھی پڑھیں: کوئی بات چیت نہیں ہو رہی، جو احتجاج کے لیے آئے گا گرفتار ہوگا، وزیر اطلاعات عطاء تارڑ

پاکستان ویمنز سکواڈ

منیبہ علی، گل فیروزہ، سدرہ امین، عمائمہ سہیل، ندا ڈار، طوبیٰ حسن، فاطمہ ثناء، عالیہ ریاض، ناشرہ سندھو، سعدیہ اقبال، سیدہ عروبہ شاہ۔

بھارتی ویمنز سکواڈ

سمرتی مندھانا، شفالی ورما، ہرمن پری کور، جمائمہ روجرز، رچا گوش، دیپتی شرما، سجیون سجانا، ارون دھتی ردی، شریانکا پٹیل، عاشا صوبانہ، رینوکا سنگھ۔