ایشیا کپ کی جیت کو ’’آپریشن سندور‘‘ سے جوڑنے پر بھارتی اپوزیشن نے مودی کو آڑے ہاتھوں لے لیا

بھارتی وزیراعظم پر تنقید

نئی دہلی (مانیٹرنگ ڈیسک) بھارت کے وزیراعظم نریندر مودی ایک بار پھر اپنے غیرسنجیدہ اور اشتعال انگیز بیانات پر کڑی تنقید کی زد میں آ گئے ہیں۔

یہ بھی پڑھیں: پی ٹی آئی کے سپورٹر بھی پاک سعودی دفاعی معاہدے کے معترف، کہتے ہیں وزیراعظم شہباز شریف نے سفارتی محاذ پر بھارت کو شکست دے دی ہے

ایشیا کپ کی جیت پر سوالات

ایشیا کپ کی جیت کو "آپریشن سندور" سے جوڑنے پر انہیں اپنے ہی ملک میں اپوزیشن نے آڑے ہاتھوں لے لیا۔

یہ بھی پڑھیں: مسئلہ کشمیر کا اقوامِ متحدہ کی قراردادوں کے مطابق حل چاہتے ہیں، اسحاق ڈار کا او آئی سی رابطہ گروپ کے اجلاس سے خطاب

کانگریس رہنما کا ردعمل

جیو نیوز کے مطابق کانگریس رہنما اتل پٹیل نے کہا کہ کھیل کو جنگی بیانیے سے ملانا ناقابل قبول ہے، انہوں نے سوال اٹھایا کہ کیا مودی کو خارجہ پالیسی اور سفارت کاری کی کوئی سمجھ ہے؟ اگر میچ کھیلا تو کھیل کی روح کے ساتھ کھیلنا چاہیے تھا، نہ کہ اسے جنگی پروپیگنڈے میں بدلنا چاہیے تھا۔

یہ بھی پڑھیں: کیمو تھراپی کے بغیر کینسر کا علاج، رضی دادا ماضی میں تنقید کرنے والوں پر برسے

سیاست کا کھیل میں دخل

مہاراشٹر کانگریس کے صدر ہرش وردھن سکپال نے بھی کہا کہ مودی ہوا ہو، پانی ہو یا کھیل، ہر جگہ سیاست اور پولرائزیشن گھسیڑ دیتے ہیں۔

ملکی وقار کی اہمیت

ہرش وردھن سکپال نے افسوس کا اظہار کرتے ہوئے کہا کہ مودی ملک کے وقار کا خیال رکھنے کے بجائے کھیلوں کو بھی سیاسی نفرت کے ایجنڈے کے لیے استعمال کر رہے ہیں۔