انکم ٹیکس ریٹرن کی تاریخ میں توسیع کی خبریں بے بنیادہیں، ایف بی آر

ایف بی آر کی وضاحت

اسلام آباد(ڈیلی پاکستان آن لائن) فیڈرل بورڈ آف ریونیو نے وضاحت جاری کرتے ہوئے کہا ہے کہ انکم ٹیکس ریٹرن جمع کرانے کی آخری تاریخ میں کوئی توسیع نہیں کی جارہی۔ سال 2025 کے لئے انکم ٹیکس ریٹرن کی تاریخ میں توسیع کی خبریں بے بنیاد اور گمراہ کن ہیں۔

یہ بھی پڑھیں: مینگورہ اور گردونواح میں زلزلے کے جھٹکے

سیلاب سے متاثرہ ٹیکس دہندگان

نجی ٹی وی چینل جیو نیوز کے مطابق ایف بی آر نے سیلاب سے توسیع کو جوڑنے کی کوششوں کو مسترد کردیا۔ ایف بی آر کا کہنا ہے کہ زیادہ تر ٹیکس دہندگان سیلاب سے متاثر نہیں ہوئے، ان کے پاس کافی وقت تھا۔ آئی آر آئی ایس سسٹم کی سست روی کے دعوے غلط ہیں، پلیٹ فارم مکمل فعال ہے۔

اخری تاریخ کے نتائج

فیڈرل بورڈ آف ریونیو مزید کہتا ہے کہ مقررہ تاریخ تک ریٹرن جمع نہ کرانے کے نتائج ہوں گے۔ انکم ٹیکس ریٹرن جمع کرانے کی آخری تاریخ 30 ستمبر ہے۔