عوام کو الیکٹرک بائیکس، رکشے اور لوڈر فراہم کرنے کیلئے سکیم متعارف

سٹیٹ بینک کی نئی سکیم

کراچی(ڈیلی پاکستان آن لائن) سٹیٹ بینک نے الیکٹرک موٹرسائیکل، رکشے اور لوڈر فراہم کرنے کے لیے ایک نئی سکیم متعارف کرائی ہے۔

یہ بھی پڑھیں: معلوم ہے ایران کا افزودہ یورینیئم کہاں دفن ہے، حملوں کا اثر پوری دنیا پر پڑا: نیتن یاہو

سکیم کی تفصیلات

نجی ٹی وی چینل جیو نیوز کے مطابق سٹیٹ بینک کے مطابق سکیم کی گاڑیاں 2 مرحلوں میں فراہم کی جائیں گی، جس کے تحت ایک لاکھ 16 ہزار الیکٹرک بائیکس، 3170 رکشے اور لوڈرز فراہم کیے جائیں گے۔

یہ بھی پڑھیں: پی آئی اے کے پائلٹ نے ایران کی جانب سے اسرائیل پر فائر کیے جانے والے میزائلوں کی ویڈیو ریکارڈ کرلی

قرض کی مقدار

سٹیٹ بینک حکام کا بتانا ہے کہ ای بائیکس کے لیے 2 لاکھ روپے کا قرض فراہم کیا جائے گا، جبکہ الیکٹرانک رکشے اور لوڈرز کے لیے 8 لاکھ 80 ہزار روپے کا قرض دیا جائے گا۔

یہ بھی پڑھیں: بنیر کے سیلاب میں شادی والے گھر کے 24 افراد جاں بحق

پہلا اور دوسرا مرحلہ

سٹیٹ بینک کے مطابق پہلے مرحلے میں 40 ہزار ای بائیکس، ایک ہزار ای رکشے اور لوڈرز فراہم کیے جائیں گے، جب کہ دوسرے مرحلے میں 76 ہزار ای بائیکس، 2171 رکشے اور لوڈرز دیے جائیں گے۔

یہ بھی پڑھیں: بھارت کا پاکستان سے دوسرا رابطہ، توی کے بعد ستلج میں پانی چھوڑنے کی اطلاع

قرض کی شرائط

مرکزی بینک کا کہنا ہے کہ ای بائیکس کا قرض 2 سال کے لیے اور ای رکشہ کا قرض 3 سال کے لیے ہوگا۔ قرض کی پرائسنگ اسلامی اور روایتی بینکوں کے لیے کائیبور پلس 2.75 فیصد پر ہوگی، جب کہ صارف کو قرض صفر فیصد مارک پر ملے گا۔

خصوصی سہولیات

سٹیٹ بینک حکام نے مزید بتایا کہ 25 فیصد ای بائیکس خواتین کو فراہم کی جائیں گی، 10 فیصد ای بائیکس کاروبار کرنے والے افراد اور کوریئرز کو فراہم ہوں گی، جبکہ فلیٹ آپریٹرز کو 30 فیصد رکشے اور لوڈرز فراہم کیے جائیں گے۔