سرکاری ہسپتالوں کی حدود میں ہر قسم کے نجی میڈیکل سٹورز اور فارمیسیز کو فوری بند کرنے کا حکم

حکم نامہ جاری

لاہور (ڈیلی پاکستان آن لائن) سرکاری ہسپتالوں کی حدود میں ہر قسم کے نجی میڈیکل سٹورز / فارمیسیز کو فوری بند کرنے کا حکم دے دیا گیا ہے۔ یہ حکم محکمہ سپیشلائزڈ ہیلتھ کیئر اینڈ میڈیکل ایجوکیشن پنجاب کی جانب سے جاری کیا گیا ہے۔

یہ بھی پڑھیں: چین تاریخ کے ہر موڑ پر ہمیشہ پاکستان کے ساتھ کھڑارہا:مریم نواز

نجی سٹورز کی خلاف ورزی

جاری کردہ نوٹیفکیشن کے مطابق، سرکاری ہسپتالوں کی حدود میں تمام نجی میڈیکل سٹورز اور فارمیسیز 2009 کے مراسلہ کی خلاف ورزی ہیں۔ اعلیٰ حکام نے اس صورتحال کا سخت نوٹس لیا ہے۔

رپورٹ کی ہدایت

تمام وائس چانسلرز، پرنسپلز، ڈینز، ایگزیکٹو ڈائریکٹرز اور میڈیکل سپرنٹنڈنٹس کو ہدایت کی گئی ہے کہ وہ یکم اکتوبر تک اس معاملے کی رپورٹ محکمہ صحت میں پیش کریں۔