قومی اسمبلی کا اجلاس اپوزیشن کی شدید ہنگامہ آرائی اور احتجاج کے بعد کل صبح 11 بجے تک ملتوی کردیا گیا

قومی اسمبلی کا اجلاس ملتوی

اسلام آباد (سٹاف رپورٹر) قومی اسمبلی کا اجلاس اپوزیشن کی شدید ہنگامہ آرائی اور احتجاج کے بعد کل صبح 11 بجے تک ملتوی کردیا گیا۔

یہ بھی پڑھیں: نئے بجٹ میں پی ایس ڈی پی کیلئے ایک ہزار ارب روپے مختص

اپوزیشن کے احتجاج اور دھرنا

اجلاس کے دوران اپوزیشن جماعتوں نے ایجنڈے کی کاپیاں پھاڑ کر پھینک دیں، ایوان میں شدید نعرے بازی کی اور اسپیکر ڈائس کے سامنے دھرنا دے کر بیٹھ گئے۔ اپوزیشن نے اپنی علیحدہ اسمبلی بھی لگا لی۔ بعدازاں پاکستان تحریک انصاف کے حمایت یافتہ ارکان نے واک آؤٹ کیا۔

یہ بھی پڑھیں: شہبازشریف کی قیادت میں ملکی معیشت مستحکم ہوچکی ہے: طلال چودھری

وزیر قانون کا بیان

اس موقع پر وزیر قانون اعظم نذیر تارڑ نے ایوان میں کہا کہ دہشت گردوں کی حمایت کسی صورت برداشت نہیں کی جائے گی، دہشت گردی کے خلاف آپریشن کی مخالفت میں کسی کو بولنے کی اجازت نہیں دی جائے گی۔

یہ بھی پڑھیں: موٹر وے پر نان ایم-ٹیگ اور کم بیلنس والی گاڑیوں پر 50 فیصد اضافی ٹول ٹیکس نافذ، یکم جون سے اطلاق

سپیکر کے ریمارکس اور بل کی منظوری

سپیکر نے بھی ریمارکس دیے کہ دہشت گردوں کے حق میں بات نہیں کرنے دوں گا۔ ایوان نے "آسان کاروبار بل 2025ء" بھی منظور کرلیا، جس میں پیپلز پارٹی کے سید نوید قمر کی ترامیم شامل کی گئیں۔ تاہم پی ٹی آئی کے حمایت یافتہ ارکان نے بل کی مخالفت کرتے ہوئے احتجاج کیا۔

یہ بھی پڑھیں: حنا ربانی کھر کا بیان: بھارتی وزیر خارجہ کی پاکستان آمد کا جائزہ

اہم مسائل پر توجہ دلاؤ نوٹس

مسلم لیگ (ن) کے رکن انجم عقیل خان نے اسلام آباد کے مختلف سیکٹرز میں زمین ایکوائر کرنے کے باوجود رقم کی عدم ادائیگی پر توجہ دلاؤ نوٹس پیش کیا، جس پر وزیر قانون نے تفصیلات پیش کرتے ہوئے کہا کہ بقایا جات بھی جلد ادا کردیئے جائیں گے۔

یہ بھی پڑھیں: پاکستان کے خلاف پروپیگنڈا نہ کرنے پر افغان طالبان نے ملک کے دوسرے بڑے چینل شمشاد نیوز کو زبردستی بند کردیا

اپوزیشن کی الگ اسمبلی

دلچسپ صورتحال اس وقت پیدا ہوئی جب اپوزیشن نے ملکی پارلیمانی تاریخ میں پہلی بار اسمبلی کے اندر اپنی الگ "اسمبلی" لگا لی۔ پی ٹی آئی کے حمایت یافتہ رکن ثنا اللہ مستی خیل نے تقریر کی جبکہ ایوان میں شور شرابہ جاری رہا۔