ہمارے ساتھ 600000 نوجوان رجسٹرڈ ہو چکے ہیں، اس پروگرام کے جلد مثبت نتائج نکلیں گے: چیئرمین پرائم منسٹر یوتھ پروگرام رانا مشہود احمد خان

پاکستان کی ترقی کے لیے نوجوانوں کی ہنر مندی

اسلام آباد (سٹاف رپورٹر) وفاقی وزراء نے نوجوانوں کو ہنر مند بنا کر پاکستان کو ترقی یافتہ ممالک کی فہرست میں لانے کا عہد کیا ہے۔ نیشنل ووکیشنل اینڈ ٹیکنیکل ٹریننگ کمیشن (NAVTTC) یورپی اتحاد اور جرمنی کے تعاون سے تکنیکی و فنی تعلیم و تربیت پر دو روزہ مکالمے سے خطاب کرتے ہوئے چیئرمین پرائم منسٹر یوتھ پروگرام رانا مشہود احمد خان نے کہا کہ ہمارے ساتھ 600,000 نوجوان رجسٹرڈ ہو چکے ہیں، اس پروگرام کے جلد مثبت نتائج نکلیں گے۔

یہ بھی پڑھیں: پناہ گزینوں کی احتجاج میں شرکت، افغان سفارتخانے کا جواب آ گیا

نوجوانوں کی تربیت کی اہمیت

وفاقی وزیر تعلیم و تربیت خالد مقبول صدیقی نے کہا کہ 64% پاکستانی آبادی نوجوانوں پر مشتمل ہے، ٹیکنیکل سیکٹر میں 4 لاکھ نوجوانوں کو تربیت دے سکتے ہیں، 2 لاکھ یہ تربیت حاصل کر رہے ہیں اور مزید دو لاکھ کو فراہم کر سکتے ہیں۔

یہ بھی پڑھیں: یوم تکبیر: 27سال گزر گئے آج پاکستانی قوم کا سر فخر سے بلند ہے اورسربلند رہے گا:مریم نواز

نوجوانوں کو ہنر مند بنانے کا عزم

وفاقی وزیر اوورسیز پاکستانیز چوہدری سالک حسین نے کہا کہ نوجوانوں کو ہنرمند بنا کر ہی ملک کو ترقی یافتہ بنایا جا سکتا ہے۔ نائب سفیر یورپی یونین فلپ اولیور گراس نے کہا کہ نوجوانوں کو ہنرمند بنا کر ہی ملک کو ترقی کی راہ پر ڈالا جا سکتا ہے، ہم اس سلسلے میں ہر قسم کے تعاون کے لئے تیار ہیں۔

تکنیکی تعلیم و تربیت کی ضرورت

NAVTTC کی چیئرپرسن گلمینہ بلال احمد نے کہا کہ اس پروگرام میں چیلنجز سے نمٹنے کے لئے تکنیکی تعلیم و تربیت کی ضرورت پر ماہرین روشنی ڈال رہے ہیں جو نوجوانوں کے لئے بہت کارآمد ثابت ہو گا۔