پشاور ہائیکورٹ نے نومنتخب وزیراعلیٰ خیبرپختونخوا کے انتخاب کیخلاف درخواست پر محفوظ فیصلہ سنا دیا

پشاور ہائیکورٹ کا فیصلہ

پشاور(ڈیلی پاکستان آن لائن) پشاور ہائیکورٹ نے نومنتخب وزیراعلیٰ خیبرپختونخوا کے انتخاب کیخلاف درخواست پر محفوظ فیصلہ سنا دیا۔ جسٹس سید ارشد علی اور جسٹس وقار احمد نے فیصلہ سنایا۔

یہ بھی پڑھیں: عمران خان سے ملاقات کیلئے بہنوں کی درخواست پر سپرنٹنڈنٹ اڈیالہ جیل طلب

درخواست خارج

نجی ٹی وی چینل دنیا نیوز کے مطابق نومنتخب وزیراعلیٰ خیبرپختونخوا کے انتخاب کیخلاف درخواست خارج کر دی گئی، جے یو آئی نے وزیراعلیٰ کے انتخاب کو چیلنج کیا تھا۔

یہ بھی پڑھیں: اس وقت ملک خطرے میں ہے، اس خطے میں جو فیصلے ہورہے ہیں ایک نئی جنگ کی بنیاد رکھی جارہی ہے، اسد قیصر

سماعت کی تفصیلات

قبل ازیں پشاور ہائیکورٹ میں نومنتخب وزیراعلیٰ کے انتخاب کے خلاف جے یو آئی کی درخواست پر سماعت ہوئی۔ سلمان اکرم راجہ نے کہاتھا کہ گورنر نے کہا ہے آج نومنتخب وزیراعلیٰ سے حلف لیں گے، عدالت نے کہا ہمیں پتہ ہے لیکن درخواست گزار کے وکیل کو سنتے ہیں، وہ کیا کہتے ہیں۔

یہ بھی پڑھیں: پاکستانی طیارے گرانے کی خبر غلط تھی : بھارتی صحافی کا امریکی اخبار کو اعتراف

درخواست گزار کا موقف

وکیل درخواست گزار نے کہاکہ علی امین گنڈاپور کا استعفیٰ منظور نہیں ہوا، استعفیٰ منظور ہونے کے بعد وزیراعلیٰ کا انتخاب ہوتا ہے، کابینہ کو ابھی تک ڈی نوٹیفائی نہیں کیا گیا۔

یہ بھی پڑھیں: لڑکی کی آواز سے ڈاکووں کے جھانسے میں آنے والا نوجوان کس طرح واپس آیا ؟

عدالت کا سوال

جسٹس سید ارشد علی نے کہاکہ وزیراعلیٰ استعفیٰ دیتا ہے تو پھر کابینہ تو ویسے بھی نہیں رہتی۔ عدالت نے وکیل سے استفسار کیا کہ درخواست خارج کردیں یا آپ واپس لیں گے؟ آئینی فورم نے ایک آرڈر کیا تو ہم کیسے اس میں مداخلت کریں؟

یہ بھی پڑھیں: برطانوی وزیر اعظم کل سے چین کا دورہ کریں گے

درخواست کا نتیجہ

سلمان اکرم راجہ نے کہاکہ چیف جسٹس کا آرڈر نظرانداز نہیں کیا جا سکتا، گورنر نے شیڈول جاری کیا، درخواست غیرموثر ہو گئی۔

آخری سماعت

وقفے کے بعد درخواست پر دوبارہ سماعت ہوئی تو وکیل درخواست گزار نے کہاکہ آپ میرٹ پر فیصلہ دیں، عدالت نے جے یو آئی کی درخواست پر فیصلہ محفوظ کرلیا تھا۔ بعد ازاں عدالت نے محفوظ فیصلہ سناتے ہوئے نومنتخب وزیراعلیٰ کے انتخاب کے خلاف جے یو آئی کی درخواست خارج کردی۔