ملکہ کوہسار مری کے جنگل کی حدود میں تجاوزات کے خلاف گرینڈ آپریشن شروع

تجاوزات کے خلاف گرینڈ آپریشن

مری (ڈیلی پاکستان آن لائن) وزیراعلیٰ پنجاب مریم نواز کی ہدایت پر ملکۂ کوہسار مری کے جنگل کی حدود میں تجاوزات کے خلاف گرینڈ آپریشن شروع کر دیا گیا۔

یہ بھی پڑھیں: پاکستانی کپتان شان مسعود لندن ایئر پورٹ پر پھنس گئے، انتظامیہ کے سلوک پر مایوسی کا اظہار

تجاوزات کا خاتمہ

پنجاب انفورسمنٹ اینڈ ریگولیٹری اتھارٹی کی ٹیموں نے مری میونسپل فاریسٹ کی حدوں میں بڑی کارروائی کی، جس میں احاطہ نور خان میں تجاوزات کو گرا دیا گیا۔ 450 فٹ لمبی سرحدی دیوار بھی مسمار کر دی گئی۔ مری میونسپل فاریسٹ کے اندر کمرشل تعمیرات کے خلاف بھی آپریشن کا آغاز کر دیا گیا ہے۔

حفاظت اور کارروائیاں

سینئر صوبائی وزیر مریم اورنگزیب نے پنجاب انفورسمنٹ اینڈ ریگولیٹری اتھارٹی کی ٹیموں کو شاباش دی اور کہا ہے کہ غیر قانونی تعمیر شدہ سرحدی دیواروں کو مسمار کرنے کا سلسلہ جاری رہے گا۔ مری کے قدرتی حسن کی حفاظت اور تجاوزات سے نجات کے لئے کارروائی کی جا رہی ہے۔ پنجاب انفورسمنٹ اینڈ ریگولیٹری اتھارٹی جنگل اور اس سے ملحقہ حدود میں ہر طرح کی تجاوزات ختم کرے گی۔