ڈرامہ سیریل ‘عشق مرشد’ کا مشہور زمانہ او ایس ٹی میں نے خود لکھا، گلوکار احمد جہانزیب نے جویریہ سعود کا دعویٰ جھٹلا دیا

احمد جہانزیب کا ایوارڈ جیتنے پر اظہارِ خیال

کراچی(ڈیلی پاکستان آن لائن) پاکستان شوبز انڈسٹری کے معروف گلوکار احمد جہانزیب نے امریکا میں منعقدہ حالیہ ایوارڈ شو میں ڈرامہ سیریل عشق مرشد کے مقبول اوریجنل ساؤنڈ ٹریک (او ایس ٹی) کے لیے بہترین او ایس ٹی کا اعزاز حاصل کیا۔

یہ بھی پڑھیں: وزیر اعظم شہباز شریف پہلی بار امریکی صدر ڈونلڈ ٹرمپ سے ملاقات کریں گے

ایوارڈ جیتنے کی خوشی

بعدازاں نجی ٹی وی چینل کو انٹرویو دیتے ہوئے احمد جہانزیب نے اعزاز حاصل کرنے پر اپنے تاثرات پیش کیے اور او ایس ٹی پر ہونے والے تنازعے کے بارے میں بھی بات کی۔ انہوں نے کہا، "یہ او ایس ٹی الحمدللّٰہ میں نے ہی لکھا ہے۔ میں بہت خوش ہوں اور اس ایوارڈ کو حاصل کرنے میں مجھے 25 سال لگے ہیں۔"

یہ بھی پڑھیں: تمام ججز نے بنیادی حقوق کا تحفظ کرنے کی قسم اٹھائی ہے، سابق چیف جسٹس ثاقب نثار

آخری لمحے کا گیت

انہوں نے بتایا کہ 'عشق مرشد' کا او ایس ٹی پہلے سے نہیں لکھا گیا تھا۔ میں نے ہدایت کار فاروق رند کو یہ تجویز دی کہ بلال عباس اور درفشاں کی پہلی ملاقات کے منظر کے دوران ایک نیا گانا ہونا چاہیے۔ چونکہ کوئی شاعر نہیں تھا، اس لیے میں نے راتوں رات گانا لکھا، جو سب کو پسند آیا۔

یہ بھی پڑھیں: انڈین آرمی چیف آدھا پنجاب جنگِ ستمبر میں پاکستان کے حوالے کرنے کو تیار ہو چکا تھا جس میں سکھوں کا مقدس ترین گولڈن ٹیمپل اور امرتسر شہر بھی شامل تھا۔

تنازعہ پر خاموشی

گلوکار نے مزید کہا کہ اس گانے کے بارے میں کچھ تنازعہ ہوا ہے، مگر وہ اس بارے میں فی الحال بات نہیں کرنا چاہتے۔ احمد جہانزیب نے یہ بھی کہا کہ "میرے ارد گرد بہت سے لوگ ہیں، جن سے میں مشورہ ضرور لیتا ہوں، لیکن اس مشورے سے کسی دوسرے کو کریڈٹ نہیں ملتا۔"

عوام کا شکریہ

ان کا کہنا ہے کہ "اس گانے پر میں نے تنہا محنت کی تھی، لیکن اس کی کامیابی کا سہرا عوام کو جاتا ہے۔ میں ان کا مقروض ہوں کہ انہوں نے اسے اتنا پسند کیا کہ اس نے تمام ریکارڈز توڑ دیے۔" یاد رہے کہ اس سے قبل اداکارہ جویریہ سعود نے دعویٰ کیا تھا کہ انہوں نے سُپر ہٹ ڈراموں کے او ایس ٹی لکھے مگر کسی نے انہیں کریڈٹ نہیں دیا، جس میں عشق مرشد کا او ایس ٹی بھی شامل ہے۔