طالبان حکومت سے 13 لوگ عراق کے ذریعہ بھارت سے متواتر کیش وصول کر رہے ہیں، حنیف عباسی کا دعویٰ

پاکستان کا افغانستان کے حوالے سے موقف

اسلام آباد(ڈیلی پاکستان آن لائن) وفاقی وزیر ریلوے حنیف عباسی نے سماء نیوز کے پروگرام ’میرے سوال‘ میں گفتگو کرتے ہوئے کہا کہ افغانستان کے حوالے سے پاکستان کا اسٹینڈ وہی ہے جو پہلے تھا۔ ہمارا اسٹینڈ ہے کہ جو دہشتگرد چھپے ہوئے ہیں، ان کو ہمارے حوالے کریں یا پھر ان سے ہتھیار لے کر معافی تلافی کروائیں، اس کے علاوہ ان کے پاس کوئی دوسری چوائس نہیں ہے۔

یہ بھی پڑھیں: فلم “لو یو گورو” کی نمائش 6 جون 2025 سے دنیا بھر کے سنیما گھروں میں

بھارت سے جنگ اور خارجہ پالیسی

وزیر ریلوے نے کہا کہ اگر ہم آپس میں کلیئر نہ ہوتے تو بھارت سے جنگ نہ جیت پاتے۔ فیلڈ مارشل نے اوور سیز پاکستانیوں کے کنونشن میں تقریر کی تھی، اس پوری تقریر کو انہوں نے بھارت کے خلاف جنگ میں عملی جامہ پہنایا۔ اس جنگ کے بعد خارجہ پالیسی اچھی ہوئی، اس سے پہلے نہیں دیکھی۔ ہم اوور کانفیڈنس نہیں ہیں، پریشانی کی ضرورت نہیں ہے۔

یہ بھی پڑھیں: لاپتہ ہونیوالے چار سالہ بچے کی لاش پڑوسی کے گھر سے برآمد،ملزم گزفتار

معاشی صورت حال اور روحانی سرپرستی

ان کا کہنا تھا کہ جب سے ہم نے پاکستان کو سنبھالا تو ملک وینٹی لیٹر پر تھا۔ لوگ کہتے تھے کہ پاکستان ڈیفالٹ ہو گا مگر نہیں ہوا۔ سعودی عرب سے جو معاہدہ ہوا ہے وہ چھوٹی بات نہیں ہے، حرمین شریفین کی حفاظت کی ذمہ داری ہمارے حصے میں آئی ہے۔ جو سعودیہ کے پاس ہے وہ ہمارا ہے اور جو ہمارے پاس ہے وہ سعودیہ کا ہے۔ دنیا میں امن اسی کو ملتا ہے جو طاقت کا مظاہرہ کرے، کمزور کو کوئی امن نہیں ملتا۔

یہ بھی پڑھیں: عظمٰی بخاری ہمارے لیے وزیر نہیں بہن کی طرح ہیں:صدر لاہور پریس کلب ارشد انصاری

امریکا کے ساتھ تعلقات

حنیف عباسی نے کہا کہ ٹرمپ آج وزیراعظم شہباز شریف اور فیلڈ مارشل کا بار بار حوالہ دیتے ہیں۔ جس طرح شہباز شریف نے پاکستان کی نمائندگی کی، وہ قابل رشک ہے۔ ایران پاکستان کے ساتھ کھڑا ہے، افغان ٹرانزٹ ٹریڈ کے حوالے سے پاکستان نے پابندی لگا دی ہے۔

یہ بھی پڑھیں: پشاور ہائی کورٹ نے اپر کوہستان سکینڈل میں منجمد اثاثوں سے متعلق اہم فیصلہ سنادیا

دہشتگردی اور ترقی کی راہیں

انہوں نے کہا کہ جب سے بی ایل اے کو سپورٹ کر رہے ہیں، ٹی ٹی پی کو کے پی میں بھجواتے ہیں، تب سے یہ سلسلہ چل رہا ہے۔ ایران نے بھی پابندی لگا کر بارڈر بند کر دیا ہے۔ وہ افغانی جو دہشتگردی میں سہولت کار نہ ہو، ہمارے لیے قابل احترام ہے۔ پاکستان کی سالمیت پر کوئی کمپرومائز نہیں ہونا چاہئے۔

جنگ اور امن کے لئے مذاکرات

ان کا کہنا تھا کہ جنگ کسی مسئلے کا حل نہیں، امن تب آئے گا جب دشمن کو جواب دیں گے، پھر وہ مذاکرات کی میز پر آئے گا۔ دوحہ میں کہیں گے کہ دہشتگردوں کی سپورٹ بند کریں۔ ہم نے اپنے سے کئی گنا بڑے دشمن کو شکست دی ہے۔