خیبر پختونخوا کے 6 اضلاع میں 12 خالی بلدیاتی نشستوں پر پولنگ جاری

پشاور میں ضمنی انتخابات

پشاور (ڈیلی پاکستان آن لائن) خیبر پختونخوا کے 6 اضلاع میں 12 خالی بلدیاتی نشستوں پر ضمنی انتخابات کے لیے پولنگ جاری ہے۔

یہ بھی پڑھیں: کراچی میں موسم گرم رہنے کی پیشگوئی

پولنگ کا وقت

روزنامہ جنگ کے مطابق خواتین، مزدور، کسان اور نوجوانوں کی خالی نشستوں پر پولنگ شام 4 بجے تک جاری رہے گی۔

یہ بھی پڑھیں: امریکا اور ایران کے درمیان اسلام آباد میں جمعے کو مذاکرات کا امکان

ڈیرہ اسماعیل خان کی صورت حال

ڈیرہ اسماعیل خان کی 3 ولیج کونسلوں میں جنرل، یوتھ اور خواتین کی نشستوں پر ووٹ ڈالے جا رہے ہیں۔ ضلع بھر میں ووٹرز کی تعداد 25 ہزار ہے جن میں خواتین ووٹرز ساڑھے 11 ہزار ہیں۔

یہ بھی پڑھیں: قومی کرکٹ ٹیم کے سابق کپتان بابراعظم کے نئے گھر کی تعمیر مکمل، والد اعظم صدیق نے جذباتی پیغام شیئر کردیا

دیگر اضلاع میں پولنگ

ملاکنڈ میں ولیج کونسل سخاکوٹ کی ایک جنرل نشست پر پولنگ جاری ہے۔ ایبٹ آباد، مانسہرہ اور اپر دیر میں بھی پولنگ کا سلسلہ جاری ہے۔

پولنگ سٹیشنز کی تفصیلات

الیکشن کمیشن کے مطابق مجموعی طور پر 66 پولنگ سٹیشن اور 201 پولنگ بوتھ قائم کیے گئے ہیں۔

الیکشن کمیشن کا کہنا ہے کہ 23 پولنگ سٹیشن حساس اور 5 پولنگ اسٹیشن حساس ترین قرار دیے گئے ہیں۔