بلوچستان حکومت نے 6 ڈویژنز میں لیویز فورس کو پولیس میں ضم کردیا

بلوچستان حکومت کا فیصلہ

کوئٹہ (ڈیلی پاکستان آن لائن) بلوچستان حکومت نے لیویز فورس کو پولیس میں ضم کردیا۔

یہ بھی پڑھیں: غزہ میں غذائی قلت پر سابق امریکی صدر باراک اوباما بھی بول پڑے، کیا مطالبہ کر دیا؟ جانیے

تفصیلات

نجی ٹی وی 24 نیوز کے مطابق بلوچستان کابینہ نے صوبے کے 6 ڈویژنز میں لیویز فورس کو پولیس میں ضم کرنے کا فیصلہ کیا ہے۔ محکمہ ایس اینڈ جی اے ڈی کے مطابق کوئٹہ، قلات، مکران، رخشاں، نصیر آباد اور ژوب ڈویژنز میں لیویز فورس کو پولیس میں ضم کرنے کی منظوری صوبائی کابینہ نے دی۔ یہ فیصلہ محکمہ داخلہ بلوچستان کی درخواست پر بلوچستان رولز آف بزنس 2012 کے تحت دیا گیا۔

منظوری اور اطلاق

متعلقہ ڈویژنز میں اب لیویز تھانے اور ریونیو پولیس فورس پولیس کے دائرہ اختیار میں آ گئے ہیں۔ فیصلے کا اطلاق فیڈرل لیویز پر ہو گا۔ پولیس میں انضمام کے بعد لیویز جمع دار اور نائب رسالدار کو گریڈ 14 مل گیا ہے اور ان کا عہدہ سب انسپکٹر کے مساوی ہوگا۔