طورخم بارڈر پر تجارتی راہداری بحالی کرنے کی تیاریاں، گاڑیوں کی کلیئرنس کے لیے سکینر ٹرمینل پہنچا دیے گئے

تجارتی راہداری بحال کرنے کی تیاریاں

پشاور (ڈیلی پاکستان آن لائن) طورخم بارڈر پر تجارتی راہداری بحال کرنے کی تیاریاں مکمل کرلی گئی ہیں۔

یہ بھی پڑھیں: بانی پی ٹی آئی کو پھر قید تنہائی میں رکھا گیا ہے، علیمہ خان کا بیان

سرحدی گزرگاہ کی بندش

’’جیو نیوز‘‘ نے کسٹم ذرائع کے حوالے سے بتایا ہے کہ طورخم سرحدی گزرگاہ 9 روز قبل ہر قسم کی آمدورفت کے لیے بند کردی گئی تھی جسے اب کھولنے کی تیاریاں کی جا رہی ہیں۔ کارگو گاڑیوں کی کلیئرنس کے لیے سکینر طورخم ٹرمینل پہنچا دیئے گئے ہیں اور کسٹم حکام نے عملے کو فوری طور پر طورخم ٹرمینل پہنچنے کی ہدایت کی ہے۔

پاکستان اور افغانستان کے درمیان تناؤ

خیال رہے کہ پاکستان اور افغانستان کے درمیان حالیہ تناؤ کے باعث طورخم تجارتی گزرگاہ ہر قسم کی آمدورفت کے لیے بند کردی گئی تھی۔ افغانستان جانے والے پھل، سبزی اور دیگر اشیاء سے بھری درجنوں گاڑیاں پاکستانی حدود میں موجود تھیں۔