بھارتی وزیراعظم نریندر مودی کو بتا دیا کہ پاکستان سے جنگ نہیں ہونی چاہیے:ڈونلڈ ٹرمپ

ٹرمپ کی مودی کو تنبیہ

نیویارک (ڈیلی پاکستان آن لائن) امریکی صدر ڈونلڈ ٹرمپ نے بھارتی وزیراعظم نریندر مودی کو تنبیہ کرتے ہوئے کہا کہ نریندر مودی کو بتا دیا ہے کہ پاکستان سے جنگ نہیں ہونی چاہیے۔ میں تجارت کے ذریعے معاملات حل کر رہا ہوں۔

یہ بھی پڑھیں: منی لانڈرنگ کیس؛ مونس الٰہی کی بیرون ملک سے گرفتاری کیلئے ریڈنوٹس انٹرنیشنل پولیس کو بھجوا دیا گیا

ڈیوالی کی گفتگو

اوول آفس میں صحافیوں سے بات چیت کرتے ہوئے ٹرمپ نے واضح کیا کہ بھارتی وزیراعظم نریندر مودی سے دیوالی کے موقع پر ٹیلی فون پر تجارت کے علاوہ کئی دوسرے امور پر بھی گفتگو ہوئی۔ ٹرمپ کا کہنا تھا کہ پاکستان اور بھارت کے درمیان اب جنگ نہیں ہو رہی جو کہ ایک اچھی بات ہے۔ میں تجارت کے ذریعے جنگ رکوانے میں کامیاب رہا ہوں۔

یہ بھی پڑھیں: صوبہ محاذ آرائی کا متحمل نہیں ہوسکتا، گالم گلوچ سے حقوق حاصل نہیں کیے جاسکتے: فیصل کریم کنڈی

امریکی معیشت اور محصولات

امریکی صدر نے کہا کہ محصولات کے بغیر امریکی معیشت گرے گی، اور انہوں نے بتایا کہ بھارت روس سے مزید تیل نہیں خریدے گا۔ چین اور یورپی ممالک نے برسوں سے امریکا پر سخت محصولات عائد کیے ہوئے ہیں۔ کسٹم ڈیوٹی ہماری قومی سلامتی کے تحفظ کا ایک اہم ذریعہ ہے۔

ماضی کی جنگیں رکوانے کا دعوی

اس سے پہلے بھی امریکی صدر نے پاک بھارت جنگ رکوانے کا کریڈٹ لیا۔ وائٹ ہاؤس میں خطاب کرتے ہوئے انہوں نے کہا کہ میں نے 8 جنگیں رکوائیں اور پاک بھارت جنگ سب سے بڑی جنگ تھی۔ دونوں ایٹمی طاقتیں آپس میں لڑ رہی تھیں۔ جنگ کے دوران 7 طیارے گرائے گئے۔ میں نے ٹیرف لگانے کی دھمکی دی تو انہوں نے جنگ روک دی۔ میں نے جنگ رکوا کر سب کو بڑی تباہی سے بچایا۔