لاہور آج بھی آلودہ شہروں میں سرِ فہرست، پنجاب میں کاروبارِ زندگی متاثر ہونے کا خدشہ
لاہور کا آلودہ شہر ہونے کا اعزاز
لاہور(ڈیلی پاکستان آن لائن) دنیا کے آلودہ ترین شہروں کی فہرست میں لاہور ایک مرتبہ پھر پہلے نمبر پر آگیا جبکہ ملک کا سب سے بڑا شہر کراچی چوتھے نمبر پر ہے۔
یہ بھی پڑھیں: ایشیا کپ رائزنگ سٹارز، پاکستان شاہینز نے یو اے ای کو شکست دےکر سیمی فائنل کے لیے کوالیفائی کرلیا
پنجاب میں فضائی آلودگی کے اثرات
نجی ٹی وی چینل دنیا نیوز کے مطابق پنجاب کی سینئر وزیر مریم اورنگزیب نے کہا ہے کہ پنجاب میں فضائی آلودگی سے کاروبارِ زندگی شدید متاثر ہو سکتا ہے۔
یہ بھی پڑھیں: لاہور میں گڈی اڑانے کے لئے، 8 فروری کو مجھے کوئی احتجاج ہوتا نظر نہیں آ رہا، شیر افضل مروت
عالمی درجہ بندی
فضائی آلودگی کے عالمی ادارے آئی کیو ایئر کے مطابق آج لاہور دنیا کے آلودہ ترین شہروں میں پہلے، بھارت کا دارالحکومت نئی دہلی دوسرے، کلکتہ تیسرے اور کراچی چوتھے نمبر پر رہا۔
یہ بھی پڑھیں: ایران اسرائیل جنگ: بھارتی اداکارہ دبئی ائیرپورٹ پر پھنس گئیں، حکومت سے مدد کی اپیل
ایئر کوالٹی کی صورتحال
صبح تقریباً ساڑھے 9 بجے لاہور میں ایئر کوالٹی 312، نئی دہلی میں 206، کلکتہ میں 174 اور کراچی میں 173 ریکارڈ کی گئی۔ اس وقت لاہور میں سموگ کی اوسط شرح 362 ہے جبکہ لاہور کے علاقے علامہ اقبال ٹاؤن کا ایئر کوالٹی انڈیکس 589 تک پہنچا ہے۔
یہ بھی پڑھیں: امریکی فوج ایران کے معاملے پر صدر ٹرمپ کے کسی بھی فیصلے پر عملدرآمد کیلئے مکمل طور پر تیار ہے، پیٹ ہیگسیتھ
پنجاب میں بدتر فضائی معیار
پنجاب ایئر کوالٹی انڈکس کے مطابق چک جھمرہ کا فضائی معیار سب سے خراب رہا جہاں ایئر کوالٹی 664 ریکارڈ کی گئی، فیصل آباد میں ایئر کوالٹی 579، رائیونڈ میں 470، قصور میں 439 اور پتوکی میں 362 ریکارڈ کی گئی۔ ملتان میں بھی صورتحال خراب ریکارڈ کی گئی۔
یہ بھی پڑھیں: ایران نے طویل عرصے سے قید 2 فرانسیسی شہریوں کو رہا کر دیا
صحت کے لئے نقصانات
ماہرین ماحولیات کے مطابق اس سطح کی آلودگی انسانی صحت کے لیے نہایت نقصان دہ ہے، بالخصوص بچوں، بزرگوں اور سانس کی بیماریوں میں مبتلا افراد کو گھروں سے غیر ضروری طور پر باہر نہ نکلنے کی ہدایت کی گئی ہے۔
یہ بھی پڑھیں: غزہ میں فلسطینیوں کی نسل کشی پر فرانس اور جرمنی بھی عاجز، اسرائیل کو خبردار کردیا
حکومت کی اقدامات
دوسری جانب حکومت پنجاب کی جانب سے اینٹی اسموگ گن کا استعمال بھی جاری ہے تاکہ فضائی آلودگی میں کمی لائی جا سکے۔
یہ بھی پڑھیں: راولپنڈی : مسافر وین دریا میں جاگری، 3 لاشیں برآمد
سموگ اور کاروبار
پنجاب کی سینئر وزیر مریم اورنگزیب نے کہا ہے کہ سموگ کی وجہ سے کاروبارِ زندگی شدید متاثر ہوسکتا ہے، حکومت سموگ سے نمٹنے کے لیے عملی اقدامات کر رہی ہے۔
یہ بھی پڑھیں: طلال چودھری کا بیان حقائق سے زیادہ سیاسی الزام تراشی اور اپنی ناکامیوں سے توجہ ہٹانے کی ایک کمزور کوشش ہے،پی ٹی آئی۔
پلاسٹک بیگ پر پابندی
مریم اورنگزیب نے کنیئرڈ کالج لاہور میں خطاب کرتے ہوئے کہا کہ پنجاب کی تاریخ میں پہلی بار پلاسٹک بیگ کے استعمال پر پابندی عائد کی گئی ہے، عوام کے تعاون کے بغیر فضائی آلودگی پر قابو نہیں پایا جا سکتا۔
یہ بھی پڑھیں: پی ٹی آئی والوں کا ایک دوسرے پر اعتماد نہیں، اب امپورٹڈ لیڈرز پر کام شروع ہوگیا ہے: گورنر کے پی
فضائی معیار میں بہتری کی کوششیں
انہوں نے کہا کہ ہمیں سموگ کی وجوہات کا خاتمہ کرنا اور اپنی فضا کو صاف ستھرا رکھنا ہے، ایئر کوالٹی انڈیکس میں بہتری کے لیے اقدامات کیے گئے ہیں، اینٹوں کے بھٹوں کو زگ زیگ ٹیکنالوجی پر منتقل کیا گیا ہے، پنجاب بھر کے لیے اسموگ وار روم قائم کیا گیا ہے، کسی بھی قسم کی خلاف ورزی کی اطلاع کے لیے ہیلپ لائن قائم کی گئی ہے۔
صحت کے مسائل
دوسری طرف پنجاب بھر میں سموگ کی وجہ سے سانس کی بیماریاں پھیلنے لگی ہیں، ہسپتالوں میں گلے ناک اور چھاتی کے مریضوں کا رش بڑھ رہا ہے، سموگ سے خاص کر بچے متاثر ہو رہے ہیں۔
