پاکستان اقتصادی راہداری منصوبے کے دوسرے مرحلے میں داخل ہو رہا ہے، وزیراعظم شہباز شریف

وزیراعظم کی ترقیاتی اقدامات پر گفتگو

اسلام آباد(سٹاف رپورٹر) وزیراعظم شہباز شریف کا کہنا ہے کہ علاقائی روابط میں اضافے سے معاشی اور تجارتی شعبے میں انقلاب آئے گا۔ ٹرانس افغان ریلوے، اسلام آباد، تہران اور استنبول ریلوے کوریڈور پر کام جاری ہے، پاکستان اقتصادی راہداری منصوبے کے دوسرے مرحلے میں داخل ہورہا ہے۔

یہ بھی پڑھیں: سندھ: کم از کم ماہانہ اجرت 40 ہزار روپے مقرر کرنے کا نوٹیفکیشن جاری

خطے میں رابطے کی اہمیت

ریجنل ٹرانسپورٹ منسٹرکانفرنس کی اختتامی نشست سے خطاب کرتے ہوئے وزیراعظم شہباز شریف نے کہا کہ ہمارا خطہ موجودہ بیلٹ روڈ انیشییٹو تک روابط کا محور رہا ہے۔ گوادر کی طویل ساحلی پٹی اور کراچی بندرگاہ میری ٹائم سلک روڈ شامل ہیں۔ پاکستان اقتصادی راہداری منصوبے کے دوسرے مرحلے میں داخل ہورہا ہے، عالمی سطح پر ٹرانسپورٹ اور روابط کے نظام میں تبدیلیاں رونما ہو رہی ہیں۔

ڈیجیٹل انفراسٹرکچر میں سرمایہ کاری

وزیراعظم کا کہنا تھا کہ پاکستان ڈیجیٹل انفرا اسٹرکچر کے شعبے میں سرمایہ کاری کر رہا ہے، اور ٹرانس افغان ریلوے، اسلام آباد، تہران اور استنبول ریلوے کوریڈور پر کام جاری ہے۔