عمران خان کی رہائی کے 200 فیصد امکانات ہیں، کیسز میرٹ پر چلیں تو وہ ایک دن بھی مزید جیل میں نہیں رہ سکتے، اسد قیصر

عمران خان کی رہائی کے امکانات

اسلام آباد (ڈیلی پاکستان آن لائن) پی ٹی آئی رہنما اسد قیصر کا کہنا ہے کہ عمران خان کی رہائی کے 200 فیصد امکانات ہیں۔ ان پر جو کیسز ہیں اگر وہ میرٹ پر چلیں تو وہ ایک دن بھی مزید جیل میں نہیں رہ سکتے۔

یہ بھی پڑھیں: ستاروں کی روشنی میں آپ کا آج (جمعے) کا دن کیسا رہے گا؟

سما ٹی وی پروگرام میں گفتگو

سما ٹی وی کے پروگرام میں گفتگو کرتے ہوئے انہوں نے کہا کہ جب کسی کیس میں سزا سنائی نہ گئی ہو اور وہ زیرِ سماعت ہو، تو اس میں ضمانت مل جاتی ہے۔ تاریخ میں کبھی ایسا نہیں ہوا کہ ضمانت کا کیس اتنا طویل عرصہ چلا ہو۔ باقی تمام کیسز میں ان کی ضمانت ہو چکی ہے۔ اگر سیاسی انتقام ہو اور عدلیہ کو مرضی سے چلایا جائے تو وہ الگ بات ہے، ورنہ عمران خان کی ضمانت ان کا حق ہے۔

یہ بھی پڑھیں: زیر التوا اپیل کی بنیاد پر عدالتی فیصلہ پر عملدرآمد روکنا توہین کے مترادف ہے: سپریم کورٹ

وزیرِ اعلیٰ سہیل آفریدی کا کردار

اسد قیصر نے مزید کہا کہ وزیرِ اعلیٰ سہیل آفریدی عوام کو بہتر انداز میں متحرک کر سکتے ہیں۔ دو تین جلسے ہونے والے ہیں، ان دنوں میں آپ کو خود اندازہ ہو جائے گا۔ پارٹی نئے سرے سے منظم ہو رہی ہے اور اسے ایک نئی زندگی مل گئی ہے۔ اس کے دو تین وجوہات ہیں: ایک تو یہ کہ سہیل آفریدی نوجوان اور تعلیم یافتہ ہیں، جس سے خیبر پختونخوا کے عوام میں ایک نئی جِدوجہد کا جذبہ پیدا ہوا ہے۔

سوشل میڈیا پر اسد قیصر کا بیان

عمران خان کی رہائی کے دو سو فیصد امکانات ہیں۔ ان پر جو کیسز ہیں اگر وہ میرٹ پر چلیں تو وہ ایک دن بھی مزید جیل میں نہیں رہ سکتے۔ جب کسی کیس میں سزا سنائی نہ گئی ہو اور وہ زیرِ سماعت ہو، تو اس میں ضمانت مل جاتی ہے۔ تاریخ میں کبھی ایسا نہیں ہوا کہ ضمانت کا کیس اتنا طویل عرصہ چلا ہو۔… pic.twitter.com/scWpiKHQKI

— Asad Qaiser (@AsadQaiserPTI) October 24, 2025