وزیراعلیٰ مریم نواز کی زیرِ صدارت اجلاس، لاہور سے اسلام آباد فلائٹ روٹ پر اتفاق، ایئر پنجاب کو جلد فنکشنل کرنے کا حکم

ایئر پنجاب کی تیاری

لاہور (ڈیلی پاکستان آن لائن) وزیراعلیٰ پنجاب مریم نواز نے ایئر پنجاب کو جلد از جلد فنکشنل کرنے کا حکم دیا ہے۔

یہ بھی پڑھیں: کامران غلام نے ایروائن کے خوابوں پر پانی پھیر دیا

پہلا مرحلہ اور جدید طیارے

وزیراعلیٰ مریم نواز نے ایئر پنجاب کے فیز ون کے لیے کارروائی جلد مکمل کرنے کی ہدایت کی ہے۔ انہوں نے ایئر پنجاب کے لیے جدید اور آرام دہ طیارے لیز پر حاصل کرنے کی ہدایت بھی کی ہے۔

یہ بھی پڑھیں: مورو احتجاج میں شرپسند افراد شامل تھے جن کے پاس دھماکا خیز مواد موجود تھا، شرجیل میمن

اجلاس اور پیشرفت کا جائزہ

وزیراعلیٰ مریم نواز کی زیر صدارت اجلاس میں ایئر پنجاب پراجیکٹ پر پیشرفت کا تفصیلی جائزہ لیا گیا۔ وزیراعلیٰ کو ایئر پنجاب پراجیکٹ سے متعلق تفصیلی بریفنگ دی گئی۔ اجلاس میں لاہور سے اسلام آباد ایئر پنجاب کے فلائٹ روٹ پر اتفاق کیا گیا۔

مری گلاس ٹرین پراجیکٹ

اجلاس میں مری گلاس ٹرین پراجیکٹ کا بھی جائزہ لیا گیا۔ وزیراعلیٰ مریم نواز نے مری گلاس ٹرین پراجیکٹ کے لیے ممکنہ اقدامات کی ہدایت کی ہے。